MENU
klinika

Ja çfarë tregon kjo për ju…

Ju ndodh shpesh të harroni emrat e njerëzve që takoni?!

19.05.2022 - 11:14

Shumë prej nesh mund të jenë gjendur në situatë të vështirë kur nuk na është kujtuar dot emri i dikujt. Nëse keni takuar shumë njerëz në një kohë të shkurtër në organizime të ndryshme, mund t’ju falet nëse harroni disa emra. Por, kur është diçka që ju ndodh gjatë gjithë kohës, mund të bëhet e sikletshme për personin në njërën anë, por edhe të tjerët mund t’i bëni të ndihen keq. Një studim ka zbuluar se çfarë do të thotë në të vërtetë kur nuk mund të kujtosh emrin e dikujt.

Ekspertët e Universitetin MacEwan janë shprehur se nëse harroni vazhdimisht dhe nuk bëni asnjë përpjekje për të mësuar përmendësh emrat, atëherë mund të jeni një narcist. Personat me këtë tipar shpesh kanë frikë se mos gabohen ose tallen dhe u mungon empatia, janë të përqendruar te vetja dhe priren të mos kenë shumë konsideratë për të tjerët. Ekspertët thanë se këta njerëz kanë vështirësi për të ‘lundruar’ në situata sociale. Dr.Miranda Giacomin tha se mungesa e shqetësimit të një narcisti për të tjerët i bën ata më keq në përpunimin e informacionit të rëndësishëm rreth tyre, siç janë emrat.

Për ta vënë në provë këtë teori, psikologët organizuan një sërë eksperimentesh për të parë se si narcistët reagonin ndaj mjediseve të ndryshme, e kjo përfshinte detyra memorie që i sfidonin ata të shikonin objekte dhe fytyra të ndryshme. Kishte një sërë objektesh, ku studiuesit përfshinin gjëra të tilla si makina të shtrenjta, për të parë nëse ajo që zakonisht lidhet me suksesin, bën ndryshim për pjesëmarrësit. Ata zbuluan se njerëzit narcistë shfaqën probleme të qëndrueshme të kujtesës së njohjes në të gjithë grupin.

Në fund ata u pyetën për ato që u folën dhe për përmbajtjen e bisedës, duke zbuluar kështu se për shkak se këta njerëz shpenzonin pjesën më të madhe të kohës duke menduar për veten e tyre, ata luftuan për të përvetësuar çdo informacion për njerëzit përreth. Profesoresha e psikologjisë në Universitetin e Masaçusets, Susan Krauss Whitbourne shpjegoi se këtyre individëve mund të mos u pëlqejë kur dikush tjetër nuk ua kujton emrin, por mund të mos jetë në gjendje ta vendosë veten në vendin e njerëzve të tjerë.

Ndonjëherë na ndodh të harrojmë se ku janë çelësat e shtëpisë, ose të mos kujtojmë menjëherë emrin e një aktori të madh në një film të famshëm. Por kjo nuk ka pse të na trembë, pasi në studimin e fundit, pak harresë, është jo vetëm normale, por edhe dobiprurëse. Studimi më i fundit i thelluar mbi këtë temë, i cili ka përfshirë disa studiues vitet e fundit vjen me “Forgetting: The benefits of not remembering”.

Sa filxhanë në ditë duhen?

Kafja ju ndihmon të bini në peshë!

Disa këshilla për ta mbajtur pastër

Furça e dhëmbëve “parajsë” bakteresh!

"Nëse jeni duke përdorur një shampo tradicional..."

Ja sa shpesh duhen larë flokët!