Prej më shumë se një viti është diskutuar shumë për të ardhmen e Kylian Mbappe, por sonte gjithcka mori fund. Ylli francez do të qëndrojë te PSG për të paktën edhe 3 vjet të tjera.
Është vetë klubi francez që bëri të ditur nëpërmjet profileve zyrtare dhe tashmë nuk ka më asnjë dilemë. Dy ditët e fundit në fakt pësuan një kthesë të fortë dhe tani erdhi rinovimi.
𝐎𝐮𝐫 𝐡𝐢𝐬𝐭𝐨𝐫𝐲 𝐢𝐬 𝐰𝐫𝐢𝐭𝐭𝐞𝐧 𝐡𝐞𝐫𝐞
𝐈𝐜𝐢 𝐜’𝐞𝐬𝐭 𝐏𝐚𝐫𝐢𝐬🔴🔵 #KylianCestParis pic.twitter.com/e3ZSY1E3FZ
— Paris Saint-Germain (@PSG_English) May 21, 2022
“Jam shumë i lumtur të vazhdoj aventurën time këtu te Paris Saint-Germain. Të qëndroj në Paris, qyteti im. Shpresoj të vazhdoj të bëj atë që preferoj të bëj me ju të gjithë… të fitojmë tituj bashkë! Faleminderit shumë”, ka thënë sulmuesi i PSG-së.
Shifrat e marrëveshjes – Numri 7 i PSG-së duke se është bindur nga projekt teknik i presidentit Al Khelaifi. Me shumë, ato që kanë ndikuar te vendimi i lojtarit kanë qenë shifrat që do të shoqërojnë Mbappe në vitet e ardhshëm.
Francezi, në fakt, ka nënshkruar një kontratë trevjeçare prej 50 milionë eurosh (neto) në sezon, me 100% të të drejtave të imazhit që do të menaxhohen nga lojtari. Ndër të tjera, në momentin e firmës në kontratë, Mbappe do të përfitojë 120 milionë euro si “bonus besnikërie”. Kështu, lojtari do të fitojë 300 milionë euro në tre vitet e ardhshme.
