Është folur jo pak për një rikthim të Lionel Messit te Barcelona, por është shumë më e komplikuar dhe e ardhmja e argjentinasit nuk dihet. Verën e kaluar ai nënshkroi me PSG-në deri në qershor të vitit 2023, por zërat për destinacionin e tij të ardhshëm nuk ndalen.
Babai i lojtarit në fakt shprehu dëshirën e tij, fundjavën e kaluar, që ai të rikthehet në Camp Nou, një dëshirë e duartrokitur dhe mbështetur nga Joan Laporta. Por kjo mundësi hipotetike është çdo ditë më larg: në Argjentinë sigurojnë se karriera e tij do të vazhdojë në Miami.
Messi planifikon të marrë 35% të Inter Miami dhe më pas t’i bashkohet ekipit amerikan në vitin 2023, pasi marrëdhënia e tij me PSG-në të përfundojë. Pra, sezonin e ardhshëm ai do të vazhdojë të garojë në Evropë, ku konkurrenca është më e lartë dhe do të mund të përgatitet më mirë për Botërorin në Katar, i cili do të zhvillohet në fund të këtij viti.
Leo ka një shtëpi në qytetin amerikan dhe e ka shprehur dëshirën për të luajtur në MSL. “Gjithmonë kam thënë se do të doja të jetoja përvojën e ligës së Shteteve të Bashkuara, por nuk është për momentin”, tha ish-kapiteni një vit e gjysmë më parë.
David Beckham, një nga pronarët e Inter Miami, ka vite që po teston nënshkrimin e tij. Në këtë vit të parë te PSG, Messi ka luajtur 33 ndeshje, ka shënuar 11 gola dhe ka dhënë 13 asiste.
VAZHDO TË LEXOSH MË TEPËR PËR TEMËN
“Kam shumë dëshirë të luaj në finalen e Tiranës”
