Pas 3 barazimeve radhazi, PSG është rikthyer te fitorja në kampionat, duke bindur me “poker” golash në fushën e Montpellier. Fitorja 0-4 nuk lë shumë vend për të diskutuar për dominimin për kampionët e Ligue 1.
Sfida e luajtur në Stade de la Mosson ka patur për protagoniste Lionel Messi-n, Kylian Mbappe-në dhe Angel di Maria-n. I pari ka qenë autor i një dygolëshi në minutën e 6-të dhe të 20-të.
I dyti ka qenë autori i dy asisteve për dy golat e Messi-t dhe ka shënuar golin e katërt në minutën e 60-të. Francezi është përfshirë në realizimin e 71 golave në këtë sezon për klubin dhe kombëtaren. Totali më i mirë për një lojtar francez në shekullin e 21-të.
I treti, Di Maria, ka realizuar golin e tretë në minutën e 26-të me një goditje të bukur fluturimthi, me topin që ka përfunduar në rrjetë edhe falë një devijimi të mbrojtjes. Një ndeshje që vlen sa për statistikë, duke parë së PSG e ka siguruar titullin prej disa javësh, ndërsa Montpellier nuk luante më për asnjë objektiv në kampionat, ku mban vendin e 13-të me 43 pikë.
VAZHDO TË LEXOSH MË TEPËR PËR TEMËN
Liverpool fiton trofeun e dytë nga ruleta e penalltive
