Edy Reja, trajneri i përfaqësueses shqiptare, në një intervistë për “Il Messaggero”, foli për finalen e parë të Conference League, e cila do të zhvillohet më 25 maj në Tiranë në “Air Albania”, një zgjedhje kjo e cila prodhoi jo pak debat në media, shpesh duke u paragjykuar me pa të drejtë.
“E vërteta është se askush nuk e priste një boom të tillë për këtë turne. UEFA e kishte menduar, ideuar, si një turne eksperimental, por në fakt po rezulton e kundërta.
Në vitet e fundit janë zhvilluar finale në Tallin dhe Belfast, nuk më duket skandaloze që të organizohej një finale e tillë në Tiranë, në kryeqytetin e Shqipërisë.
‘Arena’ është një xhevahir, ka shikueshmëri perfekte, por problemi logjistik ekziston. Shumë hotele janë ezauruar, banorët lëshojnë shtëpitë e tyre me qira, por këto gjwra ndodhin kudo. Ka shumë entuziazëm, unë do të bëj tifo për Romën, Mourinho verdhekuq është rinuar”, – u shpreh ndër të tjera Edy Reja.
VAZHDO TË LEXOSH MË TEPËR PËR TEMËN
Prania e madhe e tifozëve, Tirana në provën historike
“89% të biletave i blenë shqiptarët për 2 orë”
