Ka fituar dy herë Champions League dhe dy herë Europa League, Jose Mourinho ka shansin të fitojë edhe kompeticionin e tretë të UEFA-s për klube. Në sezonin 2003-2004 ai fitoi Champions me portugezët e Portos, duke mposhtur 3-0 në finale Monaco.
Disa vite më vonë ai ishte edhe trajneri që i ktheu trofeun më të rëndësishëm për klube Interit pas 45 vitesh. Sa i përket Europa League, ai e ka ngritur lart këtë trofe me Porton në 2002-2003 dhe me Manchester United në 2016-2017. Tirana është shansi i Mourinhos që të bëhet trajneri i parë që ka fituar të tria kompeticionet e UEFA-s për klube.
Roma, për trofeun e parë europian – Në vendin e dytë në Kupën e Kampioneve në 1984-ën, pasi fitues u shpall Liverpool, Roma ka humbur edhe finalen tjetër të Kupës UEFA kundër Interit në 1991-n. Shansi për të fituar trofeun e parë europian është ndeshja me Feyenoord në Tiranë.
Feyenoord për rekord – Fitues i Champions League në 1970, atëherë quhej Kupa e Kampioneve dhe në vitin 2002 triumf në Kupën UEFA, holandezët kanë shansin për t’u bërë klubi i parë që shtie në duart e tyre të tre kompeticionet e UEFA-s.
Historia e Feynoord me trofe në Europë nis në sezonin ‘69-‘70, ku ata fitojnë trofeun më të rëndësishëm të UEFA-s, duke mposhtur në finale skocezët e Celtics vetëm në minutën e 117-të.
Ndërkohë që 4 vite më vonë, ‘73-’74 ngre lart trofeun e Kupës UEFA, kundër Tottenham në finale. Kupa e fundit europiane është po UEFA, në 2002-shin kur mposhti Dortmundin 3-2 me golat e Tomason dhe dy nga Hojidonk.
Detaje nga trofeu – Trofeu i Conference League është 57.5 cm i gjatë dhe peshon 11 kg. Ai përbëhet nga 32 gjemba gjashtëkëndore – një për çdo ekip në fazën e grupeve të garës – duke u përdredhur dhe lakuar nga baza.
Skuadra fituese shpërblehet me 40 medalje ari dhe nënkampionët me 40 medalje argjendi. Fituesit fitojnë një vend në fazën e grupeve të Europa League 2022-2023, nëse nuk janë kualifikuar përmes kompeticioneve vendase.
Cili vendoset si ekipi pritës? – Emri i ekipit që do të jetë pritës në këtë finale është vendosur nëpërmjet një shorti që u hodh më 18 mars. Kështu që ana e ekipeve ku ishte e vendosur edhe Roma u përzgjodh si pritës, kështu që ndeshja do të etiketohet si Roma-Feyenoord.
Ngjyrat e fanellave – Të dy finalistet mund të veshin uniformën e parë, por në këtë rast ka një përplasje ngjyrash, kështu që është përcaktuar që klubi mik, që është Feyenoord duhet të përdorë një fanellë alternative.
VAZHDO TË LEXOSH MË TEPËR PËR TEMËN
“Mezi pres të luaj finalen në Tiranën time”
“Emocionuese, çdo gjë po shkon shumë mirë në Tiranë”
