Avokati Spartak Ngjela tha se besimi do të vijë kur SPAK të godasë një peshk të madh, një Kryeministër ose ish-Kryeministër, një President ose ish-President.
Ai u shpreh se vetëm kur të vihet para drejtësisë një nga përgjegjësit e varfërisë, shqiptarët do të thonë se ky institucion drejtësie është i pavarur.
“Besimi është psikologji, nuk është logjikë. Kur do vijë psikologjia për ta ngritur moralin për drejtësinë e SPAK-ut në Shqipëri? Kur të godasë një peshk të madh, një Kryeministër ose ish-Kryeministër, një President ose ish-President, që opinioni publik e di që është i korruptuar. Opinioni publik i di të gjitha, por nuk ka pasur besim dhe thotë që këta kanë dhe pushtetin gjyqësor. Kur të shikojë që një Kryeministër ose ish-Kryeministër, një President ose ish-President vihet përpara përgjegjësisë nga SPAK, rritet vlera e SPAK.
Dëgjoni të them diçka, unë nuk kam këtë bindje timen përballë një pushteti gjyqësor, për gjykatën të paktën. Personaliteti i një gjykate a e di kur vjen, te pafajësia. Dhe personaliteti i një gjykate si kjo vjen kur ti godet ata që populli mendon se janë përgjegjësit e kësaj varfërie”, theksoi avokati.
VAZHDO TË LEXOSH MË TEPËR PËR TEMËN
“Nëse opozita nuk njeh zgjedhjet, shteti vazhdon si pas djegies së mandateve!”
“Rama pati presion nga SHBA për hapjen 100% të listave”
