Përpjekja e udhëhequr nga Shtetet e Bashkuara për të penguar presidentin rus Vladimir Putin është duke u penguar nga aleatët e supozuar të Amerikës në Gjirin Persik, Arabia Saudite dhe Emiratet e Bashkuara Arabe.
Diktatorët që drejtojnë këto petroshtete po marrin fitime nga shitja e naftës ndërsa çmimet e larta po mbushin arkat e Putinit dhe po dëmtojnë ekonomitë e SHBA-së dhe Evropës.
Me miq si këta, kujt i duhen armiqtë? Dhe pse administrata Biden po luan me të?
Teksa Putin përdor energjinë e Rusisë për të shantazhuar dhe ndëshkuar Perëndimin për ndihmën ndaj Ukrainës, sundimtari defaktor i Arabisë Saudite, Princi i Kurorës Mohammed bin Salman (i njohur si MBS) dhe Princi i Kurorës së Emirateve të Bashkuara Arabe Mohamed bin Zayed al-Nahyan (i njohur si MBZ) po përfitojn nga kriza për t’i bërë presion administratës Bide.
Udhëtimi sekret i drejtorit të CIA-s, William J. Burns, në Arabinë Saudite muajin e kaluar, i zbuluar këtë javë, është vetëm shembulli më i fundit i administratës së Biden-it që i lutet MBS-së të hapë rubinetat.
Kjo ngre një pyetje: kë konsiderojnë këta monarkë të Gjirit aleatin e tyre të vërtetë – Shtetet e Bashkuara apo Rusinë?
“Arabia Saudite dhe Emiratet e Bashkuara Arabe sot janë aleatët e Rusisë në Gjirin Persik, për shkak të pastrimit të parave ruse dhe refuzimit kategorik dhe të qëllimshëm për të rritur prodhimin e naftës,” tha Rep. Tom Malinowski (D-N.J.) në Sedona të Institutit McCain.
Edhe para fillimit të luftës në Ukrainë, administrata Biden kishte hequr dorë nga premtimi i saj për të mbajtur një qëndrim më të ashpër me sauditët, duke rifilluar shitjet e armëve dhe duke dërguar zyrtarë të tjerë të lartë vjeshtën e kaluar për të takuar MBS, njeriun që, sipas CIA-s, urdhëroi vrasjen e Jamal Khashoggi.
Por kriza e Ukrainës i dha MBS një mundësi të artë.
Por, si sundimtari saudit ashtu edhe homologu i tij i Emirateve thuhet se refuzuan të merrnin një telefonatë në mars nga Biden, edhe pse të dy vendet jetojnë nën ombrellën e sigurisë së SHBA. ]
MBS po pret që Biden ta takojë atë në Riad – ose ta ftojë atë në Shtëpinë e Bardhë. Biden thuhet se po reziston, duke e ditur se një shfaqje e tillë do të ishte një poshtërim publik, pasi Biden premtoi ta bënte regjimin saudit një “paria”.
“SHBA ka mjete që mund t’i përdorë. Por ata nuk janë të gatshëm t’i përdorin”, tha Ali Al-Ahmed, themelues dhe drejtor i Institutit për Çështjet e Gjirit. “Ata nuk janë të gatshëm të ndryshojnë marrëdhënien, kështu që tani MBS kontrollon marrëdhënien.”
Arabia Saudite dhe Emiratet e Bashkuara Arabe duket se përfaqësojnë stabilitetin dhe reformën në një rajon të kërcënuar nga terrorizmi dhe Irani.
Ata thonë se Shtetet e Bashkuara nuk mund t’i ndryshojnë këto regjime, kështu që mbajtja e një qëndrimi më të ashpër do t’i shtynte ata në krahët e Rusisë dhe Kinës.
Por a beson vërtet dikush se politikat rajonale të MBS po stabilizohen? A dëshiron vërtet Arabia Saudite të blejë armë ruse dhe të varet nga Kina për sigurinë e saj?
Disa dyshojnë se një qasje e ashpër me MBS do të funksiononte, por ky nocion u vërtetua i rremë (në mënyrë ironike) nga Trump kur ai ishte president.
Në vitin 2020, kur sauditët po ulnin qëllimisht çmimet e naftës, Trump kërcënoi se do të tërhiqte trupat amerikane nga Arabia Saudite – dhe MBS u dorëzua. Megjithëse Trump në përgjithësi ishte shumë i bindur ndaj Arabisë Saudite, ai e dinte se MBS ishte një bandit dhe se mënyra për t’u marrë me banditë është të tregosh forcë, jo dobësi.
Aleanca e re de facto midis Putinit, MBS dhe MBZ është e kuptueshme: Të tre diktatorët e shohin përhapjen e lirisë, demokracisë dhe të drejtave të njeriut si kërcënime ekzistenciale për qëndrimin e tyre në pushtet.
Në realitet, megjithatë, ky është argumenti më i mirë për të mbajtur një qëndrim më të ashpër urgjentisht,. Nëse Arabia Saudite ende dëshiron të jetë një aleate e SHBA-së, ajo duhet të fillojë të veprojë si një e tillë.
Burimi: The Washington Post
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
