Manchester City mund të quhet de fakto kampion që sonte. Sitizens fituan 1-5 në transfertë me Wolves, ku katër gola i shënoi belgu Kevin De Bruyne. Kur mbeten edhe 2 javë nga fundi, City kryeson 3 pikë para Liverpool.
Ishte nata e Kevin De Bruyne, i jashtëzakonshëm në këtë sfidë. Belgu i Manchester City sonte ka vendosur të bëjë gjithcka vetë teksa në harkun kohor të 14 minutave ka shënuar tre gola.
Ylli i Manchester City shënoi që në minutën e shtatë por vendasit barazuan me Dendoncer. Pastaj, sërish dy herë belgu ishte ai që i dha avantazhin djemve të Pep Guardiola-s me dy gola të tjerë. Në fillim përfiton nga një pritje e portierit dhe topit që ngec aty duke përfituar edhe nga devijim që e con në rrjetë.
Më pas me të majtën në hyrje të zonës lëshon një harkim të bukur ku portieri e ka të pamundur për të ndërhyrë. Ajo që bie në sy është festimi i belgut. Në fakt, ai feston njësoj si Haaland, duke bërë një farë “yoga” dhe duket sikur është një mesazh mirëseardhje për norvegjezin që është blerja zyrtare e Cityt.
Në 60’ De Bruyne gjen edhe golin e katërt. Me 86 gola dhe 116 asistime, Kevin De Bruyne ka qenë i përfshirë në saktësisht 201 gola në 305 ndeshje për Man City në të gjitha garat, me këtë sezonin e tij më të mirë të golave për Citizens (18 gola). Pikë referimi! Në fund ka vend edhe për një gol të Sterlig.
VAZHDO TË LEXOSH MË TEPËR PËR TEMËN
Rikthehet Chelsea, tri pikë me aromë Champions
