MENU
klinika

Zyrtarisht në sezonin e tyre

Rreth çfarë moshe zhvillohen zakonisht alergjitë?

19.05.2022 - 11:20

Alergjitë ndodhin kur trupi juaj zbulon një lloj lënde të huaj, si për shembull një kokërr poleni ose zbokth të kafshëve shtëpiake dhe aktivizon një përgjigje të sistemit imunitar për ta luftuar atë. Por, kur zhvillohen zakonisht alergjitë? Shumica e njerëzve kujtojnë fillimin e shfaqjes së simptomave të alergjisë në një moshë të re.

Por është e mundur që të zhvilloni një alergji në çdo moment të jetës. Ju madje mund të bëheni alergjik ndaj diçkaje për të cilën nuk keni pasur alergji më parë. Disa simptoma të alergjisë janë të lehta dhe mund të trajtohen me ekspozim të reduktuar ndaj alergjenit ose duke marrë medikamente.

Disa nga llojet e alergjive:

1. Alergjia nga bimët: kruarje e hundës, syve, gojës; hundë të bllokuara; sy të skuqur, të ënjtur.

2. Alergjia nga ushqimi: ënjtje e buzëve, gjuhës, fytyrës ose fytit; irrim i lëkurës, të vjella.

3. Alergjia nga insektet: ënjtje në vendin e pickimit, kruarje në të gjithë trupin, kollë ose shtrëngim në gjoks.

4. Alergji nga ilaçet: irritim në lëkurë, kruarje, skuqje, ënjtje e fytyrës, gulçim.

Por disa simptoma janë të rënda dhe kërcënuese për jetën, si për shembull:

1.Marramendje

2.Ënjtje jonormale e gjuhës ose e fytit

3.Skuqje ose urtikarie në të gjithë trupin

4.Dhimbje barku

5.Të vjella

6.Diarre

7.Ethe

8.Ndjesi konfuzioni

9.Humbje e vetëdijes

10.Anafilaksi (ënjtje dhe mbyllje e fytit, gulçim, presion i ulët i gjakut)

Ndërkaq, sa i përket alergjive ushqimore, ato janë jashtëzakonisht të zakonshme. Në fakt, ato prekin rreth 5% të të rriturve dhe 8% të fëmijëve dhe këto përqindje janë në rritje. Është interesante, megjithëse është e mundur që çdo ushqim të shkaktojë alergji, shumica e alergjive ushqimore shkaktohen nga vetëm disa ushqime në veçanti.