Triumfojnë Korabi e Apolonia, në garë për Superioren

Korabi dhe Apolonia janë dy skuadrat që do të vijojnë garën për një vend në Superiore. Dibranët, pasi u renditën të tretët në Kategorinë e Parë, pritën sot Tomorin e vendit të gjashtë në Peshkopi. Korabi fitoi 1-0, me një gol të Gecit në pjesën e parë.

Edhe Apolonia fitoi po 1-0. Fierakët, që e mbyllën sezonin e rregullt në vendin e katërt, pritën Tërbunin e Pukës. Golin e vetëm të ndeshjes e shënoi Krasniqi me penallti në minutën e 18-të.

Korabi dhe Apolonia do të ndeshen mes tyre javës që vjen në një fushë neutrale, që ende nuk është përcaktuar. Dhe fituesi do të ndeshet me vendin e tetë të Superiores, që me shumë gjasë do të jetë Egnatia, me rrogozhinasit që do të luajnë në shtëpinë e tyre.