Një gjykatë në Ukrainë ka dënuar me burg të përjetshëm një ushtar rus 21 vjeç për vrasjen e një civili në gjyqin e parë të krimeve të luftës që nga nisja e pushtimit rus në Ukrainë.
Ushtari i kapur, Vadim Shishimarin u dënua për vrasjen e Oleksandr Shelipov, 62 vjeç, në fshatin veri-lindor të Chupakhivka më 28 Shkurt. Ai pranoi se kishte qëlluar 62-vjeçarin, por tha se kishte vepruar sipas urdhrave dhe kërkoi falje nga e veja e tij.
Shumë krime të tjera të dyshuara lufte po hetohen nga Ukraina. Moska ka mohuar se trupat e saj kanë vënë në shënjestër civilët gjatë pushtimit, ndërsa Ukraina pretendon se mund të kenë ndodhur më shumë se 11,000 krime.
Moska tha më herët të hënën se ishte e shqetësuar për fatin e ushtarit rus dhe do të shikonte opsionet për ta mbrojtur atë.
Ushtari rus, Vadimir Shishimarin, i veshur me një bluzë ngjyrë blu dhe gri, ndoqi vendimin e gjykatës dhe nuk tregoi asnjë emocion gjatë kohës kur u lexua vendimi.
VAZHDO TË LEXOSH MË TEPËR PËR TEMËN
Të burgosurit rusë të luftës flasin për CNN
Pse rusët po kryejnë krime lufte në Ukrainë?
Pse nuk dënohet Putini?
