Ekipi i Golden State është vetëm një fitore larg finales së madhe të NBA për këtë sezon. Warriors fituan 109-100 ndaj Dallas Mavericks në finalen e tretë play off në Konferencën e Perëndimit. Sukses që afron edhe më shumë ekipin kalifornian me titullin në këtë kah të NBA-së.
Golden State tashmë udhëheq 3-0 serinë e takimeve, duke qenë vetëm një fitore larg titullit në Perëndim. Ndonëse ekipi i Dallas luante në shtëpinë e tij, kjo s’mjaftoi për të fituar e rihapur garën. Miqtë bënë një ndeshje të mirë, ku u dallua i zakonshmi Stephen Curry, autor i 31 pikëve e 10 asist.
Ai u mbështet mjaft mirë nga Wiggins, autor i 27 pikëve, ndërsa Thompson e mbylli me 19 pikë. Një trio që bëri diferencën në parket. Në kahun tjetër, skuadra e Dallas mund të përkufizohet vetëm me Luka Doncic, që edhe kwtw herw ishte protagonist për të tijtë. Ai realizoi 40 pikë e 11 rebound, por që nuk mjaftuan për të fituar.
