13.06.2022 - 11:51
Një 18-vjeçar shqiptar ka ndërruar jetë në Chalkidiki të Greqisë si pasojë e një aksidenti me motor.
Motori me të cilin po udhëtonte humbi kontrollin, e si rrjedhojë doli nga rruga.
Përplasja ishte aq e fortë sa që shqiptari humbi jetën në vend, shkruajnë mediet helene.
Ndërkohë mësohet se drejtuesi i motorit, shtetas grek është lënduar.
Shqiptari ndodhej pas shokut të tij, hipur mbi motor kur mjeti doli nga rruga.
Pas daljes nga spitali, shoferi i i motorit do të arrestohet pasi sipas autoriteteve helene drejtonte motorin pa leje drejtimi.
Aksidenti tragjik ka ndodhur mëngjesin e sotëm (12 qershor) rreth orës 07:20.
Motori është përmbysur në kilometrin e 75 të rrugës nacionale Selanik – Ierissos .
