MENU
klinika

Çfarë u diskutua?

Ambasadorja Yuri Kim takohet me Presidentin, Bajram Begaj

14.06.2022 - 18:03

Ambasadorja e Shteteve të Bashkuara të Amerikës, Yuri Kim është takuar sot me Presidentin e zgjedhur të Shqipërisë, Bajram Begaj. Lajmin e ka bërë të ditur vetë ambasada amerikane në vendin tonë, e cila thotë se takimi është zhvilluar në Pallatin e Brigadave.

Pasi e uroi për zgjedhjen në krye të Shtetit shqiptar, diplomatja e lartë amerikane përsëriti qëndrimin se “Shtetet e Bashkuara presin me padurim të vazhdojnë bashkëpunimin e shkëlqyer me të në detyrën e tij të re”.

Po ashtu, ambasadorja Kim e falënderoi Begajn për kontributin e tij në forcimin e marrëdhënieve SHBA-Shqipëri si Shef i Shtabit, veçanërisht gjatë stërvitjes ushtarake Defender Europe 2021.

“Ambasadorja e SHBA Yuri Kim u takua sot me Presidentin e zgjedhur Bajram Begaj në Pallatin Presidencial (Pallati i Brigadave) në Tiranë. Ajo e uroi atë për zgjedhjen e tij si President i ardhshëm i Shqipërisë dhe përsëriti se Shtetet e Bashkuara presin me padurim të vazhdojnë bashkëpunimin e shkëlqyer me të në detyrën e tij të re. Ambasadorja Kim e falënderoi atë për kontributin e tij në forcimin e marrëdhënieve SHBA-Shqipëri si Shef i Shtabit, veçanërisht gjatë stërvitjes ushtarake Defender Europe 2021 dhe vuri në dukje se ajo pret shumë takime të tjera me Presidentin e zgjedhur Begaj gjatë presidencës së tij të ardhshme”, thuhet në njoftimin e ambasadës.

VAZHDO TË LEXOSH MË TEPËR PËR TEMËN


Nesër zgjidhet president i Republikës

Intervista e parë e gjeneral Bajram Begajt