Tashmë është zyrtare! Revanshi i peshës së rëndë në boks mes ukrainasit kampion bote Oleksandr Usyk dhe ish-kampionit, britanikut Anthony Joshua, do të zhvillohet më 20 gusht, në Jeddas të Arabisë Saudite.
Në këtë sfidë, Usyk do të mbrojë titujt kampionë bote në peshën e rëndë (IBF, WBA e WBO) që pat fitua ndaj Joshua në shtatorin e vitit të kaluar. Sfida ishte planifikuar në pranverën e këtij viti, por u shty disa herë si pasojë e përfshirjes së Usyk në luftën që ka nisur në vendlindjen e tij.
Kjo sfidë do të quhet “Tërbim në Detin e Kuq” dhe pritet të jetë një tjetër përballje e jashtëzakonshme e këtij Divizioni. Joshua shpreson të përsëritë suksesin e tri viteve më parë, ku në Lindjen e Mesme rimori titullin që pat humbur ndaj meksikanit Andy Ruiz.
Usyk është ende i pamposhtur në karrierën e tij (19 fitore e 0 humbje), ndërsa Joshua numëron 24 fitore e 2 humbje në karrierë. Një përballje me 12 raunde që nuk ka favoritë dhe që pritet të dhurojë spektakël.
VAZHDO TË LEXOSH MË TEPËR PËR TEMËN
Florian Marku lajmëron duelin në “Air Albania”
