Ish-presidenti i Serbisë, Sllobodan Millosheviç, i njihur ndryshe si “kasapi i Ballkanit”, më 28 qershor 2001 u ekstradua në Hagë; më 27 maj 1999, u bë publike aktakuza për krime lufte në Kosovë.
Më vonë, Millosheviçi u akuzua për krime edhe në Kroaci dhe gjenocid në Bosnjë e Hercegovinë.
Ai ishte ekstraduar me urdhrin e qeverisë serbe. Millosheviçi u arrestua në Beograd, më 1 prill 2001, pasi ishte përgjegjës për vdekjen e mijëra njerëzve.
Gjykimi ndaj tij në Hagë, nisi më 12 shkurt 2002. Nxjerrja e dëshmive për krime në Kosovë dhe Kroaci, si dhe për gjenocid në Bosnjë e Hercegovinë, zgjati deri më 25 shkurt 2004. Mbrojtja e tij, nisi në fund të gushtit të atij viti.
Procesi gjyqësor ndaj Millosheviçit u ndërpre dhjetëra herë, për shkak të problemeve kardiovaskolare që ai kishte dhe tensionit të lartë të gjakut.
Më 22 shkurt, Millosheviçi deklaroi se nuk ishte në gjendje të vazhdojë marrjen e dëshmitarëve në pyetje, ndërsa më 24 shkurt refuzohet kërkesa e tij, për shërim në Rusi.
Më 11 mars, në orën 9:30, ai u gjet i vdekur në qelinë e tij.
VAZHDO TË LEXOSH MË TEPËR PËR TEMËN
“Millosheviçi kapitulloi përballë NATO-s”
“Nobeli? Peter Handke lindi dhe u rrit në kufi me Jugosllavinë!”
“Me nobelistin Handke jeni në anën e errët të historisë”
