Një superfuqi bërthamore autoritare që pushton një fqinj më të vogël, por të armatosur nga SHBA, nuk është më objekt i retorikës së luftës.
Teksa ministrat e mbrojtjes nga e gjithë bota do të fluturojnë për në Singapor për të marrë pjesë në konferencën e sigurisë në Azi këtë fundjavë, ata do të jenë plotësisht të vetëdijshëm se lufta në Ukrainë i ka shtuar intensitetin diskutimeve rreth Tajvanit dhe një pushtimi të mundshëm nga Kina.
Në një ngjarje që do të ofronte potencialisht kontakt midis ushtrive amerikane dhe kineze nën administrimin e Presidentit Joe Biden, ministrat e Mbrojtjes Lloyd Austin dhe Wei Fenghe do të marrin pjesë në Dialogun Shangri-La që zhvillohet nga e premtja deri të dielën.
Nuk ka gjasa që asnjëra palë të jetë e hapur duke pasur parasysh përshkallëzimin e tensioneve mbi ishullin demokratik vetëqeverisës që Pekini pretendon se është i veti.
Kina tashmë është zemëruar ndaj premtimit të papritur të sinqertë të Biden muajin e kaluar për të mbrojtur Tajvanin.
Në Singapor, prisni mesazhe të koduara dhe që Tajvani të jetë më shumë një elefant në dhomë.
“Ukraina bëri që perceptimet e kërcënimit të rriteshin në të gjithë Azinë,” tha James Crabtree, drejtor ekzekutiv për zyrën në Singapor të Institutit Ndërkombëtar për Studime Strategjike, i cili organizon ngjarjen Shangri-La.
Këto “perceptime kërcënimi” pas sulmit të presidentit rus Vladimir Putin kundër Ukrainës janë ndarë në dy kategori për Kinën.
Pekini duhet të bëjë llogaritjet ushtarake për pushtimine një vendi të mbështetur nga Uashingtoni dhe gjithashtu të peshojë ndikimin ekonomik global – në zinxhirët e furnizimit dhe eksportet e tij – nëse Kina goditet nga sanksionet amerikane, evropiane dhe japoneze si Rusia.
Mësimi nga Ukraina për presidentin kinez Xi Jinping – në të dyja pikat – është se rreziqet janë jashtëzakonisht të mëdha.
Kina ka epërsi të konsiderueshme ushtarake ndaj Tajvanit – njëlloj si Rusia ndaj Ukrainës – por një sulm amfib në një ishull 100 milje larg nuk është një rrugëdalje. I mbështetur nga SHBA, Tajvani do të jetë në gjendje të godasë anijet. Xi nuk do të dëshirojë të pësojë viktima si Rusia në Ukrainë.
Kreu i spiunazhit të ishullit tha muajin e kaluar se Pekini do të ishte “më i kujdesshëm” në lidhje me planet e tij të luftës, duke pasur parasysh performancën e dobët të Rusisë në Ukrainë.
Politikëbërësit kryesorë të mbledhur në Singapor do të përpiqen të vlerësojnë të menduarit e Pekinit.
Publikisht Kina ka bërë thirrje në mënyrë të përsëritur për “ribashkim paqësor” me Tajvanin, por gjithashtu kërcënoi se do të pushtonte ishullin me forcë nëse është e nevojshme.
Nuk ka një afat kohor të qartë se kur mund të ndodhë kjo – por zyrtarët amerikanë para luftës në Ukrainë spekuluan se mund të ndodhë një pushtim kinez në gjashtë deri në 10 vitet e ardhshme.
Presidenti Xi gjithashtu ka paraqitur planin e tij pa hezitim. Në një mënyrë të ngjashme me Putinin, kur ai shpjegoi “operacionin e tij special ushtarak” për të zhdukur “nazistët” në Ukrainë, Xi i tha publikut tajvanez në një fjalim tnë 2019 se “ne nuk heqim dorë nga përdorimi i forcës, duke marrë të gjitha masat e nevojshme.Kjo është për t’u mbrojtur nga ndërhyrjet e jashtme dhe një numër i vogël separatistësh dhe aktivitetet e tyre separatiste për ‘pavarësinë e Tajvanit’. Në asnjë mënyrë nuk synon bashkatdhetarët tanë në Tajvan”.
Vështirësia për Kinën është, natyrisht, se sanksionet për një pushtim mund të jenë fare të rënda pasi Perëndimi është treguar më i bashkuar përballë agresionit të Kremlinit nga sa prisnin shumë.
Kina do të duhet të vlerësojë nëse Perëndimi do të ketë më pak gjasa ta sanksionojë atë, sepse zinxhirët e saj të furnizimit janë shumë më të rëndësishëm se ato të Rusisë.
Megjithatë, modeli ekonomik i Kinës varet shumë nga shitja e mallrave në tregje të pasura si SHBA, Evropa dhe Japonia.
Dhe ata janë – tani për tani – shumë skeptikë për drejtimin e Xi.
Në prill, Sekretarja e Jashtme britanike, Liz Truss i bëri thirrje NATO-s të “sigurojë që demokracitë si Tajvani të jenë në gjendje të mbrojnë veten”.
Në Azi, Japonia shihet si mbështetësi më i fortë i Tajvanit, me politikanët e Tokios që gjithnjë e më shumë kanë folur hapur për kërcënimet e sigurisë me të cilat përballet Tajvani.
Në mënyrë intriguese, edhe vetë Singapori, mikpritës i samitit Shangri-La, ka kryer stërvitje të përbashkëta gjysmë të fshehta me Tajvanin.
Shumë tani varet nga ”oreksi” i Xi për rrezik.
Pothuajse të gjithë do të analizojnë fjalimin e ministrit kinez të Mbrojtjes Wei të dielën për ndonjë shenjë të kësaj.
Burimi: Politico.eu
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
A mund ta ndëshkojë Perëndimi Kinën siç ndëshkoi Rusinë?
Amerika i ka dalë kundër Kinës për Tajvanin, por pse nuk i del edhe Rusisëbpër Ukrainën?
“Kufiri” që ndan miqësinë mes Xi Jinping dhe Putin
