Presidenti i Serbisë, Aleksandër Vuçiç ka thirrur në takim urgjent këtë të hënë (6 qershor) ambasadorin e Moskës në Beograd, për të biseduar mbi anulimin e vizitës së planifikuar në Serbi, të ministrit të Jashtëm rus, Sergej Lavrov.
Në një postim në Instagram, Vuçiç thotë se është informuar nga ambasadori për arsyet e anulimit të kësaj vizite.
“Ambasadori i Federatës Ruse, Boçan-Kharçenko, më informoi për arsyet që e pamundësuan ardhjen e ministrit Lavrov në Beograd dhe solli dokumente që e mbështesin këtë. Do të flas më shumë për gjithçka në RTS1 në Dnevnik në orën 19:30. Presidenti i Republikës së Serbisë, Aleksandar Vuçiç, u takua me ambasadorin e Federatës Ruse, Aleksandar Bocan-Kharchenko”, thuhet në postimin e Vuçiç.
View this post on Instagram
Anulimi i vizitës
Bullgaria, Mali i Zi dhe Maqedonia e Veriut i refuzojnë avionit qeveritar rus kalimin në hapësirën e tyre ajrore, për këtë arsye ministri i Jashtëm rus, Sergej Lavrov nuk mund të zhvillojë vizitën e planifikuar dy ditore në Serbi që duhet të fillonte të hënën.
Një funksionar i lartë i ministrisë ia konfirmoi agjencisë ruse, Interfax një raportim në media. Lidhur me pyetjen, nëse vizita është anuluar, punonjësi është përgjigjur: “Diplomacia deri më tani nuk ka aftësinë e teleportimit.”
VAZHDO TË LEXOSH MË TEPËR PËR TEMËN
Me çfarë po i kërcënon Rusia shtetet që i ndaluan fluturimin Lavrorvit në Beograd
Anulohet vizita e ministrit rus Lavrov në Serbi
