Pavarësisht se është numri 1 në botë, tenisti rus Daniil Medvedev nuk po e shijon ashtu si duhet këtë moment. Këtë vit nuk ka fituar asnjë turne (ka humbur në dy finale) dhe javën e ardhshme nuk do të lejohet të luajë në Wimbledon (janë përjashtuar tenistët rusë e bjellorusë).
Duket se e gjithë kjo situatë ka ndikuar psikologjikisht te tenisti rus, protagonist i një gjest të shëmtuar në finalen e Halle (Gjermani). Ai u mund në këtë ndeshje 2-0 nga polaku Hubert Hurkacz, por të gjithë mbetën në befasuar nga sjellja e tenistit rus.
Në momentin që humbi një pikë, ai u kthye nga trajneri i tij, francezi Gilles Cervara, duke i ulëritur nga larg. Pas këtij gjesti, trajneri është ngritur, ka marrë çantën e tij të shpinës dhe është larguar nga stadiumi, duke mos u rikthyer më.
Hoy Medvedev estaba frustrado y le gritó tantas veces a su entrenador que terminó yéndose del estadio.
La reacción de la esposa de Daniil lo dice todo.pic.twitter.com/R9Sofn4i0v
— Set Tenis (@settenisok) June 19, 2022
Medvedev ka kërkuar ndjesë për këtë veprim pas përfundimit të finales, por duket se marrëdhënia mes tij dhe trajnerit Cervara është ndërlikuar shumë. Medvedev ka mbyllur kështu pa sukses aventurën në fushat me bar, për të nisur pushimet.
VAZHDO TË LEXOSH MË TEPËR PËR TEMËN
