Është mbyllur faza çerekfinale e grand slam të Roland Garros, duke përcaktuar edhe tenistët më të mira që avancojnë në gjysmëfinale. Për meshkuj kemi dy emra surprizë në “top-4”, që do të përballen mes tyre.
Kroati Marin Cilic mposhti numrin 7 në botë, rusin Andrey Rublev me rezultatin 3-2 (5-7, 6- 3, 6-4, 3-6, 7-6) pas 4 orësh, duke dalë në gjysmëfinale. Përballë tij do të jetë norvegjezi Casper Ruud, numri 8 në botë. Ai mundi 3-1 danezin Holger Rune (6-1, 4- 6, 7-6, 6-3). Gjsmëfinalja tjetër është Nadal-Zverev.
Te femrat, një biletë për në gjysmëfinale ka siguruar numri 1 në botë, polakja Iga Swiatek. Ajo mposhti 2-0 (6-3, 6-2) amerikanen Jessica Pegula, duke qenë favoritja kryesore për këtë grand slam. Përballë saj në gjysmëfinale do të jetë rusja Daria Kastakina, që mundi 2-0 (6-4, 7-6) në çerekfinale patrioten e saj Veronika Kudermetova.
🎥 Catch up on the best moments of No.8 @CasperRuud98 ‘s four-set semi-final win over Holger Rune tonight:#RolandGarros pic.twitter.com/yz0K0RI5z2
— Roland-Garros (@rolandgarros) June 2, 2022
Gjysmëfinale – Femra
I.Swiatek-D.Kasatkina
M.Trevisan-C.Gauff
Gjysmëfinale – Meshkuj
R.Nadal-A.Zverev
C.Ruud-M.Cilic
VAZHDO TË LEXOSH MË TEPËR PËR TEMËN
