Këngëtarja Britney Spears vendosi të fshijë llogarinë e saj në Instagram dhe këtë e bëri vetëm disa ditë pas martesës me Sam Asghari-n dhe disa mosmarrëveshjeve me familjen e saj.
Nuk është hera e parë që Britney bën një pauzë nga rrjetet sociale ku ndan foto dhe video të shumta, pasi këtë e bëri pikërisht në muajin mars pas publikimeve për kujdestarinë e saj.
Këngëtarja ka qenë sërish pjesë e polemikave gjatë javëve të fundit, fillimisht për kritikat ndaj familjes së saj. Ajo i ka akuzuar ata për sjelljen e keqe që kishin ndaj saj gjatë kujdestarisë, e cila tashmë ka mbaruar. Polemika janë krijuar dhe pas martesës me Sam Asghari-n pasi ajo tha se nuk e kishte ftuar kurrë vëllain e saj të madh, Bryan Spears në ceremoni.
Nëse përpiqeni të hyni në llogarinë e këngëtares në Instagram, do të shihni se Britney e ka vendosur të marrë pak pushim larg fansave dhe rrjeteve sociale.
Britney Spears u martua me Sam Asghari të enjten e kaluar në një ceremoni gjatë së cilës përjetoi momente të shumta tensioni. Veçojmë këtu përpjekjet e ish-bashkëshortit të saj Jason Alexander për të prishur dasmën dhe sulmin e panikut që ajo përjetoi para ceremonisë.
Por kjo nuk ishte e gjitha polemika, pasi Britney tha se i vinte keq që djemtë e saj Sean Preston dhe Jayden James nuk morën pjesë në dasmë, si dhe shumë nga anëtarët e familjes.
Madje, ylli i popit publikoi në një post të shpërndarë në Instagram, para se të fshinte llogarinë e saj, kritikat ndaj disa anëtarëve të familjes së saj. Mbi të gjitha ajo na siguroi se nuk piu asnjë pikë alkool gjatë ceremonisë.
VAZHDO TË LEXOSH MË TEPËR PËR TEMËN
Më në fund! Britney po martohet me Sam Asghari
Nuk u ftua në dasmë, reagon e ëma e Britney Spears
Britney Spears dhe Sam Asghari, zyrtarisht të martuar
