Rusia dha një mesazh karakteristik teksa liderët e Amerikës së Veriut, Evropës dhe Japonisë u mblodhën për samitin e tyre vjetor të Grupit të Shtatë në Alpet bavareze këtë javë.
Forcat e presidentit rus Vladimir Putin filluan një sulm me raketa vdekjeprurëse, në dukje të rastësishme në një qendër tregtare në qytetin ukrainas të Kremenchuk, i cili vrau të paktën 18 civilë dhe plagosi të paktën 58 të tjerë.
Qëllimi i gjithë kësaj masakër, duket se është t’i japë fund vullnetit jo vetëm të Ukrainës, por edhe të mbështetësve të saj perëndimorë.
Për fat të mirë, Presidenti Biden dhe liderët e tij të G-7 u përgjigjën me një jo të prerë. “Ne do të vazhdojmë të ofrojmë mbështetje financiare, humanitare, ushtarake dhe diplomatike dhe do të qëndrojmë me Ukrainën për aq kohë sa të duhet”, thuhej në deklaratën e tyre të përbashkët të 27 qershorit.
Dhe ata shtuan veprime për të mbështetur ato fjalë. Do të ketë një ndalim të G-7 për importet e arit rus, më parë një burim prej 19 miliardë dollarësh të ardhura vjetore për Moskën. G-7 ranë dakord “urgjentisht” për të eksploruar vendosjen e një kufiri mbi çmimin që ata dhe vendet e tjera paguajnë për naftën ruse, gjë që mund t’i privojë regjimit të Putinit nga miliarda dollarë të ardhura nga tani dhe në kohën kur një embargo evropiane e naftës mund të hyjë në fuqi vitin tjeter.
Dërgesat e artilerisë së rëndë nga Shtetet e Bashkuara, Franca dhe Gjermania po mbërrijnë më në fund në fushën e betejës. Dhe Ukrainës i është ofruar zyrtarisht anëtarësimi në Bashkimin Evropian.
Një samit i NATO-s fillon në Madrid të martën, me aleancën që sapo ka njoftuar se do të zgjerojë forcën e saj të reagimit të shpejtë nga 40,000 në 300,000 trupa.
Sigurisht, ka dallime dhe ndarje të mundshme midis vendeve që mbështesin Ukrainën. Ndërsa Rusia vepron me urdhër të një njeriu të vetëm, koalicioni i ngritur kundër saj duhet të veprojë me diskutim dhe konsensus.
Çdo komb anëtar individual është një demokraci, udhëheqësit e së cilës duhet të marrin parasysh opinionin publik.
Putin padyshim e sheh këtë si një dobësi dhe po përpiqet ta shfrytëzojë atë. Siç tregoi rezultati i dobët i partisë së Presidentit Emmanuel Macron në zgjedhjet e fundit parlamentare franceze, votuesit janë me të vërtetë të pakënaqur me koston e lartë të jetesës, e cila lidhet pjesërisht me luftën që filloi Putin.
Katër muaj pas një pushtimi, Putin hodhi bast se Perëndimi do të lodhej, megjithatë nuk ihste ashtu. Uniteti transatlantik vazhdon. Edhe vendet që Putin mendonte se kishte zgjedhur nëpërmjet furnizimeve me energji – veçanërisht Gjermania – e kuptuan se interesi i tyre i vërtetë qëndronte në pengimin e përpjekjes së tij të pacipë për të shkatërruar rendin ndërkombëtar.
Në një takim të NATO-s të martën, Turqia hoqi kundërshtimet e saj ndaj anëtarësimit suedez dhe finlandez në aleancë.
Askush nuk e di se si do të përfundojë lufta. Presidenti i Ukrainës, Volodymyr Zelensky thuhet se u tha liderëve të G-7 se ai do që të përfundojë deri në dimër. Megjithatë, rezultati më i keq – fitorja e drejtpërdrejtë ruse – është parandaluar, falë rezistencës së palëkundur të Ukrainës dhe qëndrimit të vendosur të Perëndimit.
Nëse të dyja vazhdojnë, do të ketë më shumë sukses.
Burimi: The Washington Post
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
Çfarë do të diskutohet në samitin e G7?
Çfarë është G7, forumi që nis punimet sot?
Çfarë ndodhi në samitin e G7?
