Të tjera detaje dalin në dritë nga kokaina e sekuestruar mbrëmjen e kaluar në Portin e Durrësit, e cila ishte e fshehur në një kontenier të ngarkuar me mish pule, që ishte nisur tranzit nga Brazili, për llogari të një subjekti tregtar në Maqedoninë e Veriut.
Gazetari Igli Çelmeta raporton për “BalkanWeb” se ngarkesa me mish kishte si denstinacion “Apetit Group” në Maqedoninë e Veriut, me administrator Arben Ferizin nga Kosova.
Siç mëson gazetari Çelmeta, kjo kompani operon prej vitesh në treg edhe në Kosovë. “Apetit Group” në Kosovë ndodhet në Vushtri. Ndërsa në vitin 2019, në këtë kompani ka ndodhur një vrasje, kanë raportuar mediat e Kosovës. Asokohe është vrarë Armend Kutllovci, ish-punonjës, që punonte prej vitesh në atë kompani.
Armendi u qëllua me një pistoletë të tipit TT-7.62 mm nga një koleg i tij, nga fshati Kukë i komunës së Dragashit.
