Një nga momentet më të veçanta të ndeshjes mes Shqipërisë dhe Izraelit ishte koreografia speciale që kishte përgatitur tifogrupi “Tifozët Kuq e Zi”. Një banderolë gjigante u shpalos pas porte teksa në të dallohej personazhi i famshëm nga filmat e animuar të Simpson.
Këta të fundit njihen për parashikimet e tyre të cilat koha i ka provuar si të vërteta dhe në idenë e TKZ shfaqej parashikimi i Simpson për realizimin e Shqipërisë së Madhe , “United States of Albania”.
Një banderolë mjaft e gjetur nga TKZ, e cila nuk ka kaluar pa u vënë re edhe nga mediet serbe nisur nga Kurir, te Telegraf dhe Informer që e cilësojnë si skandaloze këtë koreografi.
Në mediet serbe theksohet se nuk mund të reklamohet kaq hapur Shqipëria e Madhe, ndërsa ngrenë zërin edhe kundër thirrjeve pro UÇK-së në stadium.
Megjithatë, kjo nuk është hera e parë kur mediet serbe ankohen dhe kërkojnë vëmendje nga ajo që ndodh në stadium kur luan Shqipëria, ndërsa pretendojnë tashmë që UEFA të marrë masa pas një koreografie të tillë.
VAZHDO TË LEXOSH MË TEPËR PËR TEMËN
Nuk mjafton Broja, Izraeli përmbys Shqipërinë
