Makthi zgjedhor i Emmanuel Macron ka sinjalizuar “urdhrin e vdekjes” për “ëndrrën e tij” të një ushtrie të BE-së, me Presidentin francez që tani e gjen veten “më të izoluar se kurrë”.
Zëdhënësi i Bashkimit Evropian pësoi një katastrofë politike muajin e kaluar, kur koalicioni i tij i Ansamblit nuk arriti në 289 vendet e nevojshme për një shumicë të përgjithshme në parlamentin francez. Kjo e lë Emmanuel Macron në presion dhe ai tani po përpiqet të formojë një koalicion qeverisës ose të udhëheqë një qeveri të pakicës që do të duhet të hyjë në bisedime me kundërshtarët në bazë të projekt-ligjit. Ai përballet me perspektivën e tmerrshme të mbajtjes së zgjedhjeve të parakohshme të përgjithshme – vetëm disa javë pasi ai fitoi një mandat të dytë.
Por me Macron që ka humbur kaq shumë ndikim në parlamentin francez, ai tani përballet me një betejë të vështirë për mbështetje për secilën nga politikat e tij, si brenda vendit ashtu edhe në Evropë.
Kjo përfshin formimin e mundshëm të një Ushtrie të BE-së që ka dalë në plan të parë gjatë luftës së Rusisë në Ukrainë, me Presidentin që paralajmëroi se blloku nuk mund të mbështetet më tek NATO ose SHBA për mbrojtje.
Eric Noirez, tha për Express.co.uk: “Pënaqësia e hidhur zgjedhore e pësuar nga Macron është në një farë mënyre “vdekja” e projektit të tij për të krijuar një ushtri evropiane.
“Në terma konkretë, teka e Presidentit francez nuk kishte shkuar asnjëherë përtej fazës së fjalëve të bukura, pasi ai kurrë nuk kishte patur mbështetje reale në komunitetin e BE-së për një ëndërr të tillë.
“Me një parlament kombëtar që nuk është më aspak në favor të tij, Macron tani e tutje nuk do të jetë në gjendje të ketë legjitimitet demokratik (dhe kushtetues) në nivel kombëtar për të çuar përpara projektin e tij të Ushtrisë Evropiane.
“Ai gjithashtu nuk do të jetë në gjendje ta çojë atë në nivel evropian pasi krijimi i një ushtrie evropiane do të nënkuptonte një modifikim të traktateve evropiane, një modifikim që votohet unanimisht nga vendet anëtare.”
Noirez paralajmëroi se si rezultat i katastrofës së tij të fundit zgjedhore, Presidenti francez është “më i izoluar se kurrë” – si nga pikëpamja kombëtare evropiane dhe globale.
Ai shtoi: “Macron është plotësisht i izoluar për këtë çështje, si në nivel evropian dhe ndërkombëtar, dhe tani në nivel kombëtar.
“Gjithashtu kishte frikë se Macron kishte idenë se Franca do t’i jepte BE-së vendin e saj të përhershëm në Këshillin e Sigurimit të OKB-së, por kjo perspektivë duket padyshim e pamundur tani.
Në fillim të këtij viti, Presidenti francez kishte thënë: “Ne nuk mund t’i lejojmë të tjerët të na mbrojnë; qoftë në tokë, në det, në ajër, në hapësirë apo në hapësirën kibernetike. Mbrojtja evropiane duhet të bëjë një hap të ri”.
Por një akademik i lartë britanik gjithashtu tha se nuk ka shanse të kriohet një ushtri e BE-së.
Anand Menon, profesor i Politikës Evropiane dhe Punëve të Jashtme në Kings College London, i tha ekskluzivisht Express.co.uk muajin e kaluar: “Krijimi i një ushtrie të BE-së nuk është një mundësi realiste.
“Kur BE-ja përfshihet në mbrojtje, është gjithmonë nën kontrollin kombëtar. Asnjë vend nuk do të ishte i gatshëm të heqë dorë nga forcat e tij të armatosura për një entitet mbikombëtar siç është BE.”
Profesor Menon ishte gjithashtu skeptik për ndjenjat e vërteta të Macron dhe Francës ndaj një ushtrie të BE-së.
Ai shtoi: “Unë mendoj se francezët do të jenë shteti i fundit që do të dorëzojë ushtrinë e tij në BE.”
Nga Paul Withers
Burimi: Express UK
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
Pse del Macron në krye të atyre që shajnë NATO-n?
Merkel dhe Makron duhet të ndryshojnë rregullat e lojës…
