Erliton Ymeri, 37 vjeç, ish specialist në sektorin e hartografisë në Kadastrën e Sarandës, ka lënë dje qelitë e ku ndodhej i arrestuar për “shpërdorim detyre” prej 24 marsit ne kuadër te operacionit “Heshtja 2”.
Gjykata e Apelit Gjirokastër ka zëvendësuar masën e sigurimit për te, nga “Arrest ne burg” ne “Arrest ne shtëpi”.
Ymeri akuzohet se se bashku me 4 kolege te tjerë, nga të cilët aktualisht dy ndodhen ne paraburgim, një në shtëpi e një tjetër ne kërkim, kishin legalizuar dhe me pas hipotekuar një lokal ne zonën turistike te Sarandës edhe pse për te kishte nje urdhër prishje te IMT Sarande.
Ishte Ministri i Drejtësisë Ulsi Manja qe deklaroi ne nje konference për shtyp kallëzimin penal te tyre, pas nje kompleksi shkeljesh, sipas tij, ne rastin konkret.
Prej shkurtit te këtij viti, Prokuroria e Sarandës ne tre raste dhe SPAK ne nje rast tjetër, nxorën 19 urdhër arreste per zyrtare, biznesmenë e qytetare te ndryshëm ne lidhje me shkelje per ceshtje pronash ne Sarande.
Nga këto urdhër arreste me mase sigurimi “Arrest ne burg” u ekzekutuan 12 prej tyre, ndërsa 7 u shpallen ne kërkim. Por aktualisht, me vendime te ndryshme te Gjykatave, vetëm 4 ndodhen ne mase “Arrest ne burg”, 2 ne “Arrest ne burg me afat 45 dite” nga te cilat u kane mbetur edhe dy jave deri ne rivlerësim te masës se sigurimit, 6 ne “Arrest ne shtepi” dhe 7 ne kërkim.
VAZHDO TË LEXOSH MË TEPËR PËR TEMËN
