15.08.2022 - 10:22
Presidenti i Republikës Bajram Begaj po zhvillon një vizitë zyrtare në Republikën e Kosovës.
Kjo vizitë e Presidentit Begaj në Prishtinë bëhet me ftesë të Presidentes së Kosovës, Vjosa Osmani dhe do të shënoj ndalesën e tij të parë jashtë vendit që prej momentit kur u zgjodh në postin e Kreut të Shtetit.
Përveç takimit me Presidenten Osmani, në axhendë janë parashikuar edhe takime me kryeministrin Albin Kurti, kryeparlamentarin Konjufca, krerët e partive kryesore politike, takim me komandantin e KFOR-IT dhe me ushtarët e Forcave të Armatosura të Shqipërisë që janë dislokuar në Kosovë.
