Disney është bërë ofruesi më i madh i platformës së transmetimit në botë bazuar në numrat e abonentëve, pasi ka kaluar rivalin Netflix për herë të parë.
‘Dexerto’ shkruan se shërbimi Disney Plus shtoi 14.4 milionë abonentë në tremujorin e fundit, gjë që e çoi numrin total të klientëve të transmetimit me pagesë në një total prej 221 milionë. Kompania ofron ESPN+ të fokusuar në sport dhe platformën e transmetimit të videove Hulu.
Numri i përgjithshëm i abonentëve që është rritur u llogarit në të tre platformat.
Shumë nga abonentët e rinj të Disney Plus ishin të vendosur jashtë SHBA-së në tregje që kompania dëshiron t’i zgjerojë dhe numri ishte shumë më i madh nga sa prisnin shumë analistë.
Në të njëjtën kohë, Netflix, i cili ka përjetuar rënie të numrit të abonentëve gjatë muajve të fundit për shkak të një kombinimi faktorësh, humbi afër një milion llogari të tjera gjatë së njëjtës periudhë. Kjo e vendosi gjigantin e transmetimit shumë ngushtë në vendin e dytë, me gjithsej 221.67 milionë abonentë.
Është një fitore e rëndësishme për Disney+: jo vetëm që është hera e parë që fiton mbi Netflix në garën e transmetimit, por Netflix nuk është mposhtur kurrë kur bëhet fjalë për abonentët total.
