Kryeministri grek, Kyriakos Mitsotakis u ul mbrëmjen e djeshme në një tryezë me presidentin turk, Rexhep Tajip Erdogan.
Atmosfera midis dy liderëve ka qenë mjaft e sikletshme, pasi dyshja ndonëse në të njëjtin ambient nuk ka shkëmbyer asnjë fjalë. Mitsotakis dhe Erdogani kanë shmangur çdo kontakt me sy, raporton CNN Greece.
Dy liderët njihen për marrëdhëniet e tyre të tensionuara, pasi Greqia dhe Turqia kanë pasur historikisht konflikt interesi për ishujt e Egjeut dhe çështjen e refugjatëve në kufirin e Evros midis dy vendeve.
Kryeministri grek dhe presidenti turk, ishin ftuar në tryezën e organizuar nga presidenti amerikan, Joe Biden, në nder të liderëve që ndodhen në Nju Jork për të marrë pjesë në punimet e sesionit të 77-të të Asamblesë së Përgjithshme të OKB-së .
Kyriakos Mitsotakis shoqërohej nga bashkëshortja e tij Mareva Grabovski-Mitsotakis në pritjen e organizuar nga presidenti amerikan Joe Biden për nder të liderëve pjesëmarrës në Javën e Nivelit të Lartë të Asamblesë së 77-të të OKB-së .
Sipas informacioneve, Kyriakos Mitsotakis ka zhvilluar bisedë të përzemërt me presidentin amerikan, i cili ka kujtuar detaje nga vizita e fundit e kryeministrit në Shtëpinë e Bardhë.
VAZHDO TË LEXOSH MË TEPËR PËR TEMËN
“Greqia është çmendur”, Erdogan provokon sërish
‘Greqia ka shumë aleatë’, Mitsotakis i përgjigjet Erdoganit
“Do të kryejmë stërvitje ushtarake në Mesdheun lindor”
