Përballë rritjes së çmimeve vendet e Bashkimit Europian kanë nisur të marrin masa për t’i ardhur në ndihmë qytetarëve.
Ndërkohë në nivel europian priten vendimet e takimit të ministrave të energjisë më 9 shtator si dhe deklaratat e presidentes Ursula von der Leyen më 14 shtator në lidhje me propozimet e Komisionit Evropian për vendosjen e një tavani mbi çmimet e energjisë.
Gjatë seancës së jashtëzakonshme do të shqyrtohen propozime të tilla si vendosja e një çmimi tavan për çmimin e gazit për prodhimin e energjisë elektrike ose ndërhyrjet për të parandaluar keqfunksionimin e tregut siç shpjegoi në fillim të kësaj jave ministri çek Jozef Sikela, duke theksuar se “zgjidhja në nivel europian është është më e mira që kemi”.
Ndihma emergjente për familjet dhe bizneset në Itali
Italia po përpiqet të përballojë rritjen e vazhdueshme të çmimeve në sektorin e energjisë me një sërë masash.
Qeveria e kryeministrit italian Mario Draghi ka miratuar që nga fillimi i vitit ndihma urgjente për familjet dhe bizneset e vendit, një total pesëdhjetë miliardë euro. Ndër të tjera, ai uli taksat shtetërore për karburantet me tridhjetë cent për litër, miratoi rimbursimet e taksave për bizneset që konsumojnë një sasi të madhe gazi natyror, si dhe uljen e TVSH-së në 5% për faturat e gazit dhe energjisë elektrike për tridhjetë milionë familje dhe gjashtë milionë ndërmarrje tregtare.
Në të njëjtën kohë, qeveria Draghi ndërmori një hap të madh për taksimin e fitimeve të tepërta të kompanive të energjisë. Por, për momentin, nga gjithsej borxhet ndaj publikut që llogariteshin në dhjetë miliardë euro, vetëm një miliard është paguar në arkën e shtetit.
Italia po përgatitet të miratojë masa të reja mbështetëse, të cilat pritet të arrijnë rreth dhjetë miliardë euro. Megjithatë, kryeministri italian kërkon të shmangë me çdo kusht rritjen e deficitit publik dhe për këtë arsye “drita jeshile” përfundimtare në paketën e masave për lehtësimin e qytetarëve dhe bizneseve ka vonuar.
Për sa i përket kursimit të energjisë, për momentin, rregullat e reja kanë të bëjnë vetëm me ndërtesat publike dhe ato shtetërore, parashikohet që temperatura e kondicionerit të mos jetë më e ulët se njëzet e pesë gradë dhe e radiatorit më e lartë se njëzet e një.
Sipas deklaratave të ministrit të Energjisë Roberto Cingolani, në ditët në vijim do të miratohet një dekret i ri i qeverisë, i cili do të ketë të bëjë me sektorin privat dhe banesat private.
Sa i përket nismave në nivel europian dhe takimit të ministrave të energjisë më 9 shtator, qeveria Draghi vazhdon të këmbëngulë për miratimin e një tavani europian për çmimin e gazit natyror.
‘Fundi i bollëkut dhe pakujdesisë’ në Francë
Me presidentin francez Emmanuel Macron që tashmë deklaron ‘fundin e bollëkut dhe pakujdesisë’ Franca po përgatitet për atë që pa dyshim do të jetë një dimër ‘i vështirë’, ku askush nuk mund të parashikojë përmasat e vështirësive.
E vetmja gjë që është e sigurt është se reaktorët bërthamorë francezë do të punojnë tani e tutje “me kapacitet të plotë”. Vetëm se kjo vlen për gjysmën e atyre që ekzistojnë në vend, pasi gjysma tjetër janë jashtë funksionit për arsye mirëmbajtjeje.
Ajo që është gjithashtu e sigurt është se prodhimi i energjisë me qymyr do të rritet, gjë që pak a shumë do të ndodhë në shumicën e vendeve evropiane, pavarësisht marrëveshjeve ekzistuese për ndryshimet klimatike.
Një vlerësim i parë i vështirësive që do të lindin me ardhjen e dimrit nisi të analizohej të premten në Paris, ku Macron mblodhi të ashtuquajturin Këshill të Mbrojtjes për t’u marrë me krizën energjetike.
Më i keqi nga skenarët e diskutuar, ai i ndërprerjes së plotë të gazit rus i kombinuar me një dimër të ashpër me temperatura të ulëta, nuk përjashton as ndërprerjen e furnizimit me energji elektrike të familjeve për disa orë në ditë. Ministrat përkatës argumentojnë se kjo ndoshta do të shmanget, megjithatë, pa zbutur shqetësimet e arsyeshme të francezit me të ardhura mesatare.
Sa u përket familjeve, është gjithashtu e sigurt që shumë prej tyre do të marrin ende mbështetje financiare në vitin 2023 për t’u përballur. rritjen e çmimeve të energjisë.
Franca pret vendime konkrete nga Këshilli i Ministrave të Energjisë së BE-së që do të bëhet më 9 shtator. Qëllimi i tij është të vendosë një tavan pevropian për çmimet e gazit natyror, diçka që deri tani ka qenë jashtë diskutimit dhe një tabu për Evropën. Por kohët po ndryshojnë, argumenton Parisi.
VAZHDO TË LEXOSH MË TEPËR PËR TEMËN
BE duhet të bashkohet kundër Rusisë!
Cilat shtete kanë çmimet më të shtrenjta të energjisë elektrike?
