Së fundmi WhatsApp do të mundësojë shpërndarjen e mesazheve zanore si përditësim i statusit. Në këtë mënyrë, mund të ndani mesazhe të shkurtra zanore me kontaktet tuaja. Nëse më parë përdornit opsionin “Screen recording” në celular për të ndarë një mesazh zanor, tani do jetë më e thjeshtë. WaBetaInfo, të cilët testojnë opsione të reja në aplikacion, thanë se kjo risi është në versionin beta të tij, në pajisjet Android.
Kur dëshironi të postoni një përditësim të ri statusi, mund të zgjidhni ngjyrën e sfondit dhe mesazhi zanor do të shfaqet në formën e një flluske. Gjatësia maksimale e mesazheve do të jetë 30 sekonda.
Rikujtojmë, se sipas një raporti të ‘The Verge’, Meta po formon një divizion të ri të quajtur “New Monetization Experiences” për t’u fokusuar në veçoritë me pagesë për Facebook, Instagram dhe WhatsApp. Ish-kreu i Kërkimit të Metës, Pratiti RayChoudhury do të drejtojë grupin, shtoi raporti duke cituar një memo të brendshme. Konkurrentët e tjerë në hapësirë duke përfshirë Snap dhe Twitter tashmë ofrojnë shërbime me pagesë të Snapchat+ dhe Twitter Blue me disa veçori ekskluzive për krijuesit.
Mark Zuckerberg, CEO i Meta, ka njoftuar së fundmi se tre lajme të rëndësishme për WhatsApp që do të forcojnë privatësinë e përdoruesve. Ju mund të dilni nga grupet pa i njoftuar pjesëmarrësit, vetëm administratorët do ta dinë, të vendosni se kush mund të shohë kur jeni në linjë dhe të parandaloni screenshot të mesazheve që mund të shihen vetëm një herë. “Karakteristika të reja të privatësisë janë në rrugën e WhatsApp,”- shkroi Zuckerberg në Facebook.
VAZHDO TË LEXOSH MË TEPËR PËR TEMËN
Rama: S’e ndalon dot askush martesën tonë me BE!
