04.10.2022 - 20:07
Gazetarja ruse, Marina Ovsyannikova e cila protestoi live në televizion kundër luftës në Ukrainë, ka thyer masën e arrestit shtëpiak dhe është zhdukur.
Sipas CNN, autoritetet ruse e kanë shpallur në kërkim gazetaren, e cila akuzohet për shpëndarjen e informacioneve të rreme.
Këtë e ka konfirmuar edhe ish-bashkëshorti i saj, i cili tha se ajo ka marrë vajzën dhe është zhdukur.
“Gjithçka që di është se ajo është larguar”, tha Zakhvatov për CNN.
Ovsyannikova është shtuar në “listën e të kërkuarve” të Ministrisë së Punëve të Brendshme ruse.
Gazetarja ruse u vendos nën masën e sigurisë arrest shtëpie në muajin gusht të këtij viti, dhe kjo masë është në fuqi deri më datë 9 tetor.