MENU
klinika

Vrasja e 34-vjeçarit në Fushë-Krujë

Indrit Ndoj u qëllua me kaçavidë, çfarë zbuluan mjeko-ligjorët

22.10.2022 - 14:34

34-vjeçari Indrit Ndoj u qëllua me një kaçavidë në këmbë dhe ndërroi jetë brenda një orë nga gjakderdhja. Është ky rezultati i autopsisë që zbulon se Ndoji u qëllua me mjet të mprehtë dhe jo me armë zjarri siç deklaroi dje policia.

Më pas u hodh në kanal në një rrugë dytësore në lagjen “Bakushe Visha” të Fushë-Krujës. Motivet e ekzekutimit të të riut mbeten ende mister, por pista ku po hetohet është ajo për motive banale apo një konflikt i çastit.

Familjarët e 34-vjeçarit kanë treguar se kishin komunikuar me Indritin një ditë përpara krimit, por nuk kishin vërejtur asnjë shqetësim tek ai. Ata thonë se Indriti udhëtonte me biçikletë, por mjeti nuk u gjet pranë trupit të pajete, ndaj dyshojnë se i riu është vrarë në një tjetër vend dhe më pas është hedhur në kanal. 34-vjeçari ka qenë i arrestuar në shtator të 2021 për trafik klandestinësh.

Së bashku me një tjetër person ai u ndalua pasi u kap teksa transportonte me automjet 19 emigrantë të paligjshëm të cilëve iu kishin premtuar kalimin drejt vendeve të BE-së, kundrejt pagesës. Për këtë vepër penale ndaj tij u caktua masa e arrestit të shtëpisë, masë në të cilën ndodhej edhe gjatë kohës kur u ekzekutua.

VAZHDO TË LEXOSH MË TEPËR PËR TEMËN



Transferohen mijëra dosje në kryeqytet

Të gjitha gjykatat e Apelit bashkohen në një të vetme!

"Ndryshon përgjithmonë turizmin në rajon"

Firmoset marrëveshja për “Durrës Yacht & Marina”

Nga grupi i Avdylajt tek vëllai i Rrumit e Plarent Dervishaj

Kush janë ‘të fortët’ që policia u çmontoi kamerat