MENU
klinika

Shtatlartë dhe flokëkuqe

Kush është policja që shkatërroi bandën shqiptare? (Foto)

03.10.2022 - 12:11

Bandat e Esmin Ferhaitit pësuan goditje të fortë mëngjesin e të martës, më 27 shtator, kur policia ndërmori një aksion të guximshëm, duke çuar në arrestimin e 34 anëtarëve.

Mediat në Greqi kanë zbuluar se profilin e një prej oficereve që ka marrë pjesë në këto operacion, e që ka pasur një rol kyç.

Ajo përshkruhet si një vajzë shtatlartë, flokëkuqe, e cila sipas mediave vendase, nuk është një personazh i parëndësishëm. Oficerja me shumë vite shërbim në Shërbimin e Sigurisë ka arritur ta lidhë emrin e saj me sipërmarrje të mëdha të Forcave të Armatosura Greke. Në fakt, në shumicën prej operacioneve ajo ishte protagoniste, si në qershor 2020 kur shkoi dhe vuri në pranga Efi Kakarandzoula , vitriolisti i njohur i Agia Eleusa, të cilin e shoqëroi edhe në prokurori.

Në moshën 35-vjeçare, oficerja e sigurisë mban një profil të ulët. Në operacionin “Polytechneioupoli” të së martës së kaluar, oficerja luftarake ka qenë në terren për gati 24 orë. Raporti i policisë përshkruan mjedisin dhe mënyrën se si ka vepruar policja e trajnuar në një moment kritik të jetës së saj, teksa ishte e infiltruar brenda bandave të “Escos”.

Konkretisht, siç thuhet, ajo është ndjerë keq në një moment dhe ka thirrur një kolege nga rrethi i ngushtë ambjental i saj (rezidenca të vjetra studentore) për ta çuar në shtëpinë e saj.

Pas hipjes në një makinë të thirrur për të, ajo ka pasur një përballje me “Esco-n”. Efektivja ka vënë re se “Esko” po hynte nga porta e Universitetit Politeknik ndërsa ka njoftuar shoferin dhe shoqen e saj.

Në këtë moment, krimineli shqiptar e ka parë jashtë departamentit në Zografou dhe i ka bërtitur: “Ti erdhe të më kapësh dhe sepse nuk më gjete në zjarrfikës, kepë të dashurën time. Nëse nuk e lini shpejt, do t’ju djeg të gjallë, do të vdisni të gjithë”, ndërsa ai u zhvendos menjëherë drejt portës së Universitetit Politeknik ”.

Skena që pasoi ishte makth. Siç thuhet në raport, “përpara se të kishte kohë të informonte kreun e operacionit të koordinuar, “Esko” i ishte afruar automjetit privat të policëve nga pala e pasagjerit ku ndodhej policja, duke i kërkuar orën, ndërsa kur ishte përgjigja negative e policëve, ai vazhdoi duke u thënë “hej mëmë q***, ju keni veshur jelek antiplumb. Ju jeni policë. Unë do të të vras”.