Tre persona janë arrestuar mbrëmjen e djeshme në Vlorë ndërkohë që një tjetër është shpallur në kërkim gjatë një operacioni për goditjen e lojërave të fatit.
Në pranga janë vënë O. Ll., 18 vjeç, N. Ll., 38 vjeç dhe E. V., 51 vjeç ndërkohë që është shpallur në kërkim pronari i lokalit ku ata vendosnin baste online përmes celularëve.
Gjatë kontrollit në lokal u gjetën dhe u sekuestruan 4 kompjuterë që përdoreshin për lojëra fati dhe që mbikëqyreshin nga 18-vjeçari i vënë në pranga.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme procedurale.
Njoftimi i policisë
Vlorë/Finalizohet operacioni policor i koduar “Jackpot”, për goditjen e veprimtarive të paligjshme në fushën e lojërave të fatit.
Operacioni, nga Komisariati i Policisë Vlorë, në bashkëpunim me Forcën e Posaçme “Shqiponja”.
U kapën në flagrancë duke vënë baste sportive nëpërmjet aparateve celulare, vihen në pranga 2 shtetas. Në pranga edhe mbikëqyrësi i kompjuterave që shërbenin për lojëra fati.
Shpallet në kërkim pronari i lokalit të vendosur në dispozicion për këtë veprimtari të kundërligjshme.
Sekuestrohen 4 kompjutera dhe 2 aparate celulare që shërbenin për lojëra fati.
Shërbimet e Policisë, mbështetur me inteligjencë informative se në një lokal në lagjen “Osman Haxhiu”, organizoheshin lojëra të fatit, finalizuan operacionin policor të koduar “Jackpot”.
Si rezultat i këtij operacioni u arrestuan në flagrancë shtetasit:
– O. Ll., 18 vjeç, N. Ll., 38 vjeç dhe E. V., 51 vjeç, për veprat penale “Organizimi i lotarive të palejuara” dhe “Fshehja e të ardhurave”.
Si dhe u bë shpallja në kërkim e shtetasit:
– Xh. Ll., 39 vjeç, për veprat penale “Vënia në dispozicion e lokaleve për lojëra fati të palejuara”, “Organizimi i lotarive të palejuara” dhe “Fshehja e të ardhurave”. Vijon puna për kapjen e tij.
Gjatë kontrollit të ushtruar nga shërbimet e Policisë, në ambientet e lokalit në pronësi të shtetasit Xh. Ll., u gjetën dhe u sekuestruan 4 kompjutera që përdoreshin për lojëra fati dhe që mbikëqyreshin nga shtetasi i arrestuar O. Ll.
Gjithashtu po në ambientet e këtij lokali, shtetasit N. Ll., dhe E. V. u konstatuan duke vënë baste sportive, nëpërmjet aparateve të tyre celulare, të cilët u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme procedurale.
VAZHDO TË LEXOSH MË TEPËR PËR TEMËN
Basha nuk ndal bojkotin, mblidhet në Durrës
