Beteja e vazhdueshme midis Brukselit dhe Evropës Qendrore dhe Lindore, mbi aksesin në fondet e rimëkëmbjes së BE-së dhe shkeljet e sundimit të ligjit, mori një kthesë të madhe këtë javë, pasi Polonia kërcënoi me veprime ligjore.
Duke folur në radion polake, zëvendësministri i Jashtëm Marcin Przydacz tha se Polonia do të paraqesë një ankesë kundër Komisionit Evropian përpara Gjykatës Evropiane të Drejtësisë nëse vazhdon të bllokojë fondet.
Ai tha se Polonia do të zbatojë investimet dhe reformat e paraqitura në planin e rimëkëmbjes, pavarësisht nëse Komisioni do të disbursojë këstin e parë.
Megjithatë, Varshava më pas do t’i dërgonte Komisionit faturat për këto investime dhe nëse ekzekutivi ende refuzon të paguajë, do ta çojnë çështjen përpara GJED-së.
Przydacz tha gjithashtu se ndërsa qeveria polake është e fokusuar në marrjen e parave, të gjitha opsionet mbeten në tryezë, duke përfshirë heqjen dorë nga fondet. Mbetet dyshimi në Varshavë se Brukseli po përpiqet të ndikojë në rezultatin e zgjedhjeve të ardhshme të përgjithshme polake për të siguruar që partia në pushtet Ligj dhe Drejtësi (Prawo i Sprawiedliwość, ose PiS) të mos dalë fituese.
Njoftimi i fundit vjen gjithashtu pasi Hungaria dhe Polonia mund të vendosin vetë për sanksionet ndaj Rusisë. Pavarësisht aleancës së tyre, tensionet janë shtuar lidhur luftën në Ukrainë.
Kryeministri hungarez, Viktor Orbán, do të anketojë popullin hungarez për mbështetjen e tyre për sanksionet e BE-së ndaj Rusisë, ndërsa sipas kreut të grupit parlamentar të partisë së tij Fidesz, Máté Kocsis, sanksionet “po shkatërrojnë ekonominë e Evropës”.
Ndërkohë, shefi i shtabit të Orban tha se Budapesti nuk mund të mbështesë raundin e tetë të sanksioneve të BE-së nëse këto përfshijnë energjinë.
Shtetet e BE-së kanë nevojë për unanimitet për të vendosur sanksione.
Kjo është në kontrast të plotë me Poloninë dhe shtetet baltike, të cilat – ndonëse janë aleatë të Hungarisë – po bëjnë presion për sanksione më të ashpra kundër Kremlinit.
Kështu tha, në një intervistë të fundit me gazetën gjermane Der Spiegel, kryeministri polak Mateusz Morawiecki, që jo vetëm që akuzoi BE-në për komplot të hapur kundër vendit të tij, por tha se Polonia do të kundërshtonte sanksionet e BE-së ndaj Hungarisë të propozuara nga Komisioni Evropian, duke sugjeruar se nuk ka ndjenja të vështira.
Hungaria dhe Polonia kanë pyetur prej kohësh pse Brukseli duket se mbyll një sy ndaj korrupsionit dhe abuzimeve gjyqësore në shtetet e tjera anëtare të BE-së, ndërkohë që i kritikon ashpër ata.
Për Budapestin dhe Varshavën, kjo është e gjitha një përpjekje e fshehtë për të imponuar liberalizmin në Evropën Qendrore dhe Lindore, dhe për të bërë një shembull të vendeve udhëheqëse të Lindjes më tradicionaliste të BE-së, në mënyrë që vendet e tjera t’i ndjekin ato.
Polonia, për shembull, pretendon se në Spanjë, organi zgjedhor gjyqësor dhe gjyqtarët emërohen pothuajse në të njëjtën mënyrë si në Poloni, megjithatë Brukseli nuk ngre asnjë problem.
Ndërkohë, pavarësisht kritikave për qëndrimet sociale në Hungari, personat LGBT kanë mbrojtje ligjore më të madhe në vend se në shumë shtete të tjera të BE-së.
Si Hungaria ashtu edhe Polonia kanë gjithashtu një media kritike ndaj qeverisë.
Pas fitores së Melonit në Itali, kryeministri Morawiecki tha: “A është kjo Evropa që duam?”, në përgjigje të Presidentes së Komisionit, Ursula von der Leyen, dhe paralajmërimit të saj për Italinë.
Megjithatë, lindja dhe perëndimi në BE, duket se kanë një ”martesë toksike” që ka nevojë për një divorc miqësor.
Burimi: Express UK
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
‘Polexit’ në horizont/ Pse Polonia po heq dorë nga BE?
