Franca humb ndeshjen e fundit në grup, por nuk ka dramë për kampionët e botës, të cilët kaluan si kokë grupi me dy fitoret e para. Gjelat u mundë 1-0 nga Tunizia, e cila shpresoi në një barazim në sfidën tjetër, por nuk ishte e thënë.
Franca e nisi ndeshje me formacionn të dytë, duke ulur në stol të gjithë yjet. Për pasojë, nuk ishte ajo skuadër e dy ndeshjeve të para. Madje Tunizia arrin të shënojë në minutën e tetë me anë të Ghandri, por festa zgjat pak pasi goli ndalet për një pozicion jashtë loje. Vetëm një rast në pjesën e parë nga Franca, kur Coman në minutën e 25-të i vetëm në zonë gjuan keq.
Loja e dobët e francezëve vijon edhe në pjesën e dytë dhe nga kjo përfiton Tunizia që shënon në 58’ me Khazri, i cili edhe dëmtohet. Më pas trajneri Deschamps fut në lojë artilerinë e rëndë, Mbappe, Rabiot, Griezmann dhe Dembele.
Franca insistoi deri në fund për të shmangur humbjen. Griezmann arrin të shënojë në minutën e fundit shtesë, por pas rishikimit të VAR arbitri e anulon. Gjithsesi, Tunizisë nuk i vlen fitorja për të kaluar më tej.
Ajo që kualifikohet si e dyta ishte Australia, që mposhti 1-0 Danimarkën. Dy fitore radhazi nga 1-0 e ngjisin kombëtaren australiane me 6 pikë, aq s Franca, por me golaverazh më të dobët Danimarka pati mundësi më të mira në pjesën e parë.
Sfida u ndez që në minutën e 11-të, Jensen godet topin por ndalet nga portieri Ryan. Australianët në aksionet e tyre shkonin mirë deri në zonën e danezëve, por munoi konkretizimi.
Nordikët patën edhe dy mundësi në fundin e fraksionit të parë, por jo gol. E dyta është më e ekuilibruar. Por ndërsa pritej goli i danezëve, janë australianët që shënojnë me Leckie në 60’. Danezët u përpoqën të përmbysnin, po nuk ia dolën, Australia mbrojti fort fitoren deri në fund.
VAZHDO TË LEXOSH MË TEPËR PËR TEMËN
Messi apo Lewandowski? Të dy së bashku kanë 1434 gola…
