Virginia Woolf, autore e njohur dhe kampione e të drejtave të grave është nderuar me një statujë publike në qytetin ku jetoi për një dekadë, në Richmond. Projekti i mbështet financiarisht nga donacione publike. Ishte mbesa e saj e madhe, Emma Woolf, që zbuloi statujën në ceremoninë e përurimit.
Një statujë e shkrimtares angleze Virginia Woolf është zbuluar për publikun në Richmond, aty ku Woolf jetoi dhe punoi me bashkëshortin e saj, Leonardin, mbi një shekull më parë.
Statuja prej bronzi me përmasa reale që përshkruan Woolf të ulur në një stol parku, duke vështruar lumin Thames, u vendos në lagjen periferike jugperëndimore të qytetit.
Deputetja e Richmondit, Sarah Olney, Lordi Zac Goldsmith dhe shumë këshilltarë e kanë miratuar gjithashtu projektin, i cili u realizua me mbështetjen e mbi 250 donacioneve individuale.
Këshilli Richmond mbajti dy konsultime publike, të cilat treguan mbështetje për projektin me 92% në favor.
Koha e Woolfit në Richmond, nga 1914-24, ishte një “periudhë shumë krijuese”, sipas historianes Anne Sebba. Atje, ajo përfundoi dhe botoi romanin “Natë dhe ditë”, ese dhe tregime të shkurtra si Kew Gardens, dhe punoi në The Common Reader dhe Mrs Dalloway.
Të pranishëm në ceremoni ishin skulptorja që realizoi statujën Laury Dizengremel dhe tre pasardhës të shkrimtares.
Ishte mbesa e saj e madhe, Emma Woolf, që zbuloi statujën në ceremoninë e përurimit.
