Ditën kur Tirana do të presë takimin më të rëndësishëm të Bashkimit Europian të mbajtur ndonjëherë në Ballkan, ish-kryeministri Sali Berisha do të mbajë protestën e radhës.
Samiti i 6 dhjetorit, që do të sjellë në Tiranë liderët e BE është një ngjarje e rëndësishme, që do e kthejë vëmendjen e Europës nga vendi ynë.
Por sipas analistit Mentor Nazarko, ngjarja paralele po atë ditë, protesta e Sali Berishës, është “çmenduri”.
“Është çmenduri, një veprim i dëshpëruar që kërkon të shantazhojë bashkësinë ndëkombëtare”, shprehet Mentor Nazarko në ABC News.
Nazarko rendit disa arsye, që sipas tij e kanë çuar Berishën të dalë në rrugë më 6 dhjetor.
“Në rastin më të keq, synon të anulojë samitin. Format e tjera të komunikimit janë të shteruar”, thotë analisti.
Ai e lidh protestën dhe me fatin ende të papërcaktuar të drejtimit të PD-së.
“Është një shantazh pasi ai i mendon se ndërkombëtarët se influencojnë vendimmarjen”, thotë Nazarko.