Bordi i Transparencës për çmimet e karburanteve, është mbledhur për dy ditë me radhë për të përcaktuar çmimet e reja.
Për të dytën ditë me radhë është ulur çmimi i naftës, ndërsa ai i benzinës është rritur. Panorama.al mëson se nga sot, një litër naftë do të shitet me 232 lekë nga 236 që ishte një ditë më parë, ndërsa përpara 3 javësh, u vendos në 240 lekë.
Ndërsa benzina është vendosur të shitet me 212 lekë për litër, nga 208 që u vendos një ditë më parë.
Këto çmime të reja do të hyjnë në fuqi sot në orën 18:00.
Çmimi i shitjes me shumicë
Nafta 220 Lek
Benzina 200 Lek
Gazi 62 Lek
Çmimi i shitjes me pakicë
Nafta 232 Lek
Benzina 212 Lek
Gazi 74 Lek
Në tregjet ndërkombëtare, nafta tregtohet me rreth 94 dollarë për fuçi, në nivelet e shkurtit, përpara se të fillonte shtrenjtimi për shkak të problemeve me furnizim, që u shkaktuan nga sulmi i Rusisë ndaj Ukrainës.
Në Shqipëri, niveli maksimal i naftës arriti në 265 lekë për litër, ndërsa për periudhën mars- nëntor, karburanti është tregtuar midis 230-240 lekë për litër, që është 20-30% më shtrenjtë se niveli i shkurtit.
