MENU
klinika

Lufta me Rusinë

Akuzohet se ka shpërndarë informatat sekrete të ushtrisë, kryebashkiaku ukrainas vendoset nën hetim

30.12.2022 - 10:42

Oleksandr Mamai, kryebashkiaku i qytetit të Poltavës në Ukrainë , është “vënë nën dyshim” për ndarjen e informacioneve sekrete në lidhje me lëvizjet ushtarake ukrainase.

Mamai dyshohet se ka transmetuar informatat e shërbimit inteligjent në lidhje me vendosjen e trupave ukrainase, raporton Shërbimi i Sigurisë së Ukrainës (SBU).

Dokumentet në lidhje me hetimin thanë se ky informacion nuk ishte “i disponueshëm publikisht nga shtabi i përgjithshëm i forcave të armatosura, ministria e mbrojtjes ose organe të tjera të autorizuara shtetërore”.

Raportet lokale shtuan se më konkretisht Mamai dyshohet se ka zbuluar formimin e një njësie të re ushtarake ukrainase dhe se ka ndarë adresën e selisë së saj.

Sakaq, raportohet se hetimet ndaj tij vazhdojnë, ndërsa kërkimet në ndërtesën e Këshillit Bashkiak të qytetit janë duke u zhvilluar.

VAZHDO TË LEXOSH MË TEPËR PËR TEMËN


"Rusët s’do të hyjnë kurrë as në Kie"

Kryebashkiaku: I gjithë Irpini është në duart e Ukrainës