MENU
klinika

Titulli kampion bote në boks

Fury triumfon për herë të 34-t, mbetet i pamposhtur

04.12.2022 - 01:01

Boksieri britanik Tyson Fury ka mbrojtur titullin kampion bote në kategorinë WBC, pas fitores me KO teknik në raundin e 10-të ndaj patriotit të tij Dereck Chisora.

Një sfidë e dominuar nga kampioni i botës, i pamposhtur në ring, duke korrur suksesin e 34-t, ndërkohë që ka edhe një barazim. Për Chisora, kjo ishte hera e dytë që duelonte për titullin, por nuk arriti të triumfojë. Ai pësoi humbjen e 13 në karrierë, ndërkohë që ka edhe 33 fitore.

Kjo përballje u zhvillua në stadiumin e Tottenham, në Londër, ndërkohë që ishte hera e tretë që dy britanikët kryqëzonin dorezat në ring. Dhe, në të tria sfidat, fitues ka dalë Fury.

Fury shfrytëzoi aftësitë e tij për ta mposhtur Chisora, duke i fituar të gjitha raundet e zhvilluara. Falë edhe shtatlartësisë, Fury e mbajti larg rivalin, që synonte t’i shkaktonte dëme duke e goditur në trup. Ndërkohë që goditjet në kokë të kampionit të botës ishin të shumta në cdo raund.

Chisora edhe pse u rezistoi grushteve të Fury, nuk ishte në gjendje të rivalizojë, duke e pranuar humbjen. Një përballje jo shumë spektakolare, pasi Fury ishte superior në cdo aspekt, duke mos e diskutuar humbjen. Madje ai nuk pësoi asnjë goditje në fytyrë, duke e merituar plotësisht fitoren.

I pranishëm në këtë duel, natyrisht si tifoz në stadium, ishte edhe ukrainasi Oleksandr Usyk, kampioni tjetër i botës në peshën e rëndë (ËBA, ËBO, IBF). 60 mijë tifozët në stadium mbetën disi të zhgënjyer, pasi prisnin një fitore me KO dhe jo me ndalesë nga ana e gjyqtarit. Gjithsesi, Fury mbetet i pamposhtur.

Një tjetër skuadër i bashkohet grupit të Europës

Tirana mbetet e shkëputur edhe pas hapit fals

Ja sa pritet të mungojë titullari i katalanasve!

Lajme të këqija për Barcelonën

Nga Juventusi te Reali e Barcelona

Të gjithë në garë për titullarin e Interit

Në skenë del dhe klubi historik europian

Zidan në kërkim në të një skuadre të re

Çon skuadrën të stërvitet në… ushtri

Poter tenton të ringjallë Çelsin

Balaj pritet titullar, Mala është në dyshim

Ja si mund të rreshtohet Vllaznia përballë Erzenit!