MENU
klinika

Gjesti pas eliminimit

Futbollisti i Uruguajit mund të dënohet me 15 ndeshje

03.12.2022 - 20:17

Uruguaji u eliminoi për një gol më pak nga Botërori dhe në fund futbollistët nuk i mbajtën dot nervat me gjyqtarët. Jose Gimenez, mund të dënohet për pesëmbëdhjetë ndeshje pasi goditi një zyrtar të FIFA-s.

Fitorja 2-1 e Koresë së Jugut ndaj Portugalisë e dërgoi skuadrën amerikano-jugore në shtëpi, pavarësisht se ata mundën 2-0 Ganën në një ndeshje të mbushur me polemika. Uruguai mendoi se duhej të kishte një penallti në fundin e ndeshjes pasi Edinson Cavani u rrëzua në zonë dhe pas vërshëllimës së fundit gjakrat u nxehën akoma më shumë.

Gimenez humbi plotësisht gjakftohtësinë e tij teksa u përpoq të përballej me arbitrin ndërsa ai po dilte jashtë fushës. Ylli i Atletico Madrid duhej të mbahej nga shokët e skuadrës teksa bërtiste dhe ndiqte arbitrin Daniel Siebert.

Mes kaosit, Gimenez goditi me bërryl në pjesën e pasme të kokës një përfaqësues të FIFA-s. 27-vjeçari nuk u ndal me kaq teksa vazhdoi të nxehej, më pas u pa duke bërtitur drejt një kamera televizive në përleshje: “Ata janë të gjithë një bandë hajdutësh këta bij k***ash. Po, më regjistro. Bir i një k***e”.

Mundo Deportivo pretendon se nëse këto incidente raportohen nga drejtori i garave të FIFA-s, atëherë ai mund të përballet me një pezullim prej 15 ndeshjesh larg futbollit. Nuk është e qartë nëse skualifikimi do të shërbehet vetëm për ndeshjet ndërkombëtare apo do të bartet edhe në futbollin e klubeve.

VAZHDO TË LEXOSH MË TEPËR PËR TEMËN



Një tjetër skuadër i bashkohet grupit të Europës

Tirana mbetet e shkëputur edhe pas hapit fals

Ja sa pritet të mungojë titullari i katalanasve!

Lajme të këqija për Barcelonën

Nga Juventusi te Reali e Barcelona

Të gjithë në garë për titullarin e Interit

Në skenë del dhe klubi historik europian

Zidan në kërkim në të një skuadre të re

Çon skuadrën të stërvitet në… ushtri

Poter tenton të ringjallë Çelsin

Balaj pritet titullar, Mala është në dyshim

Ja si mund të rreshtohet Vllaznia përballë Erzenit!