Holanda është skuadra e parë çerekfinaliste e Botërorit. Tulipanët mundën 3-1 SHBA dhe avancojnë më tej, me shpresën për t’i shkuar deri në fund kësaj Kupe Bote.
Ndeshja nisi me një mundësi shumë të mirë të Pulisic, i cili i vetëm përballë portierit, nuk arrin të shënojë. Në sulmin e parë të rrezikshëm, Holanda kalon në avantazh në minutën e 10-të falë golit të Depay-t. Meritë edhe e Dumfries me pasimin në qendër të zonës.
Amerikanët reaguan dhe qarkulluan topin më shumë, por për t’u përmendur vetëm një goditje e Weah në minutën e 43-të, që pritet nga portieri holandez. Në minutën e parë shtesë të së parës tulipanët shënojnë edhe golin e dytë. Identik si i pari, Dumfries pason në qendër të zonës dhe kësaj here është Blind që realizon.
Edhe në pjesën e dytë janë amerikanët që përpiqen më shumë, por Holanda me zbritjet e veta ishte më e rrezikshme, vendimtar portieri Noppert me pritet e tij. Në 75’ Wright pati mundësinë më të mirë për futur SHBA-në në lojë, por gabon.
Megjithatë, goli do të vinte një minutë më pas, Pulisic fut një top në zonë, e prek Wright dhe topi që merr një trajektore të çuditshme dhe përfundon në rrjetë.
Sfida ndizet edhe më shumë, por është Holanda që shënon 81’, Blind i kthen reston me kros Dumries, me këtë të fundit që nuk fal. Më pas nuk ka shumë histori, Holanda mbron fitoren dhe avancon më tej.
VAZHDO TË LEXOSH MË TEPËR PËR TEMËN
Asnjë ekip perfekt në Katar, të gjithë pësuan gol
