Një 17-vjeçar ka mbetur i plagosur rëndë pasditen e sotme në Vlorë pasi u përplas nga një automjet.
Sipas burimeve zyrtare nga policia rreth orës 17:00, në Llogara, pranë fushës së sportit, shtetasi V. B., 66 vjeç, banues në Himarë, duke drejtuar automjetin tip “Benz”, ka aksidentuar shtetasin E. H., 17 vjeç, këmbësor në rrugë, i cili ndodhet në spital nën kujdesin e mjekëve.
Drejtuesi i mjetit, shtetasi V. B, u shoqërua në Komisariat, për veprime të mëtejshme.
Grupi hetimor ndodhet në vendngjarje dhe po kryen veprimet e mëtejshme për aksidentin.
Gazetari Igli Çelmeta duke iu referuar burimeve nga policia raportoi për “BalkanWeb” se automjeti drejtohej nga ish-kryetari i bashkisë së Himarës dhe ish-kreu i Omonias Vasil Bollano.
17-vjeçari, sipas informacioneve të para ndodhet në gjendje të rëndë.
