Ditën e sotme kryeministri grek, Kyriakos Mitsotakis, ka zhvilluar një vizitë në Himarë dhe në fshatrat me popullsi minoritare greke në jug të Shqipërisë.
Mitsotakis u prit me flamuj dhe parulla greke. Vajzat me kostume tradicionale i dhuruan lule dhe e falënderuan për vizitën në një shkollë greke.
Më pas, kryeministri zhvilloi një takim me anëtarë dhe përfaqësues të pakicës kombëtare greke në Shqipëri.
Ai theksoi se mbështet integrimin europian të Shqipërisë dhe kerkon respektimin nga qeveria shqiptare të të drejtave të minoritetit grek, ku sipas tij, kryesojnë çështja e pronës dhe ajo e mesimit të gjuhës greke.
Ndalesat e radhës e kryeministrit grek janë Livadhi dhe Derviçani.
Ai do të pritet në Derviçan nga homologu shqiptar Edi Rama, ndërsa në Livadh nga ministrja e Mjedisit e Kulturës dhe Turizmit, Mirela Koumbaro.
Vizita e tij në Shqipëri ka bërë jehonë edhe në mediat greke.
Pjesë nga fjala e Mitsotakis:
Një moment i veçantë për mua dhe helenizmin kudo. Më kujtohet vizita e Mitsotakis në këto troje në vitin 1991. Ndihem shumë i nderuar që jam kryeministri i parë grek që viziton Himarën.
Faleminderit që mbajtët flakën e helenizmit dhe të ortodoksisë në vite shumë të vështira, sidomos ato më të vjetrat. Për mua, pakica kombëtare greke do të ketë mik dhe përkrahës në kërkesat tuaja të drejta. Ju që zgjodhët të qëndroni këtu, jeni një urë miqësie dhe bashkëpunimi midis Greqisë dhe Shqipërisë, dijeni që unë personalisht kam qenë, jam dhe do të mbetem mbështetës i perspektivës evropiane të Shqipërisë. Detyrimi i Shqipërisë është të respektojë plotësisht të drejtat tuaja, pavarësisht nëse i referohemi të drejtës për vetëvendosje, ose të drejtës që fëmijët dhe nipërit tuaj të mësojnë gjuhën greke në të gjitha nivelet, ose nëse i referohemi çështjes kritike për të drejtat e pronës.
Nëse ne zgjidhim çështjet e pensioneve tuaja dhe të tepricave të pasiguruara, qeveria do të jetë gjithmonë pranë jush. Kjo është ajo që ne duhet të bëjmë dhe kjo është ajo që do të bëjmë, gjithashtu dua t’ju them se Greqia jonë është tani një vend më i fortë dhe në zhvillim dhe sa më mirë të shkojë, aq më mirë do të jenë gjërat edhe për ju. Të gjithë do të ecim në rrugën që kemi vendosur për një Greqi të fortë në Evropë. Kur pashë fëmijët e vegjël që nga kopshti deri në gjimnaz që mësonin greqisht. Është brezi i ardhshëm që duhet të qëndrojë në vend. Për sa kohë që Shqipëria është duke luftuar, do të kenë vështirësi edhe këta fëmijë. Dhe ne do të kontribuojmë për këtë. Greqia po rritet dhe po forcohet. Kam kenaqësine e madhe të jem i shoqëruar nga një nga njerezit tuaj, i cili ngriti në shpine gjithë Greqinë, Pirros. Suksesi i tij na bëri të gjithëve të ndihemi krenar. Pirro, faleminderit për atë që bëtë për Greqinë dhe për bashkëqytetarët tuaj.
VAZHDO TË LEXOSH MË TEPËR PËR TEMËN
Kryeministri grek vjen në Himarë, pritet me lule!
