06.12.2022 - 13:11
Banesa e një të moshuari në Durrës është përfshirë nga flakët paraditen e sotme në Durrës. Burime paraprake bëjnë me dije se ngjarja ka ndodhur në lagjen nr.8 të qytetit, ndërsa është djegur kati i dytë i banesës së 80- vjeçarit Andrea Ç.
Dyshohet se shkak për përfshirjen nga flakët të shtëpisë ka qenë soba me gaz e gatimit. Në vendngjarje ka shkuar policia dhe shërbimi zjarrfikës. Zjarri u fik nga shërbimi i mbrojtjes nga zjarri, ndërsa mësohet se në banesë ka vetëm dëme materiale.
