Zyra e OSBE-së në Tiranë, ka reaguar lidhur me incidentin e regjistruar në protestën e sotme të opozitës, ku 31-vjeçari Gerti Shehu goditi me grusht ish-kryeministrin Sali Berisha.
Përmes një reagimi në rrjetet sociale, OSBE iu kërkon palëve që të shmangin spekullimet dhe vetëdrejtësinë ndërkohë që vijojnë hetimet.
Në reagim thuhet se liria e tubimit është një e mirë themelore e demokracisë dhe i uron shërim të shpejtë Berishës.
Reagimi i plotë:
Urime Shqipërisë për mbajtjen e suksesshme të samitit BE-Ballkan Perëndimor dhe për operacionin e madh të sigurisë që e shoqëroi. Jemi të trishtuar, megjithatë, për incidentin gjatë protestës së opozitës.
Liria e tubimit është një e mirë themelore e demokracisë. U urojmë të lënduarve shërim të shpejtë dhe u bëjmë thirrje të gjithëve të shmangin spekulimet dhe vetëdrejtësinë ndërkohë që hetimet vijojnë.
VAZHDO TË LEXOSH MË TEPËR PËR TEMËN
“Nuk voton, as…”/ E ëma e Gert Shehut i kërkon falje Berishës
Grushti drejt Berishës në protestë, flet Balluku: Shpresojmë të jetë mirë me shëndet
