Kryeministri i Mbretërisë së Bashkuar Rishi Sunak ka vendosur shkarkimin e kryetarit të Partisë Konservatore Nadhim Zahawi, i cili është përballur me kritika për marrëveshjet e tij për taksat.
Javën e kaluar Sunak urdhëroi këshilltarin e tij të etikës të hetonte Zahawin pas pretendimeve se ai kishte paguar një gjobë si pjesë e një marrëveshjeje të raportuar prej 4.8 milionë paund me zyrtarët taimorë, dhe nuk e kishte deklaruar atë te autoritetet, shkruan CNN.
Zahawi u emërua kancelar i thesarit nga ish kryeministri Boris Johnson në korrik të vitit të kaluar. Ai qëndroi në kabinet edhe nën drejtimin e Liz Truss dhe kryeministrit aktual Rishi Sunak.
Në një letër drejtuar Zahawi, Sunak tha se, pasi hetimi përfundoi punën e tij, “është e qartë se ka pasur një shkelje të rëndë të Kodit Ministror”.
“Si rezultat, ju kam njoftuar për vendimin tim për t’ju larguar nga posti juaj në qeveri”, ka shkruar Sunak.